مش عارفه أتصرف مع خطوبتي من مغترب زهقان!

Question

صباح الخير 
عندي مشكله ومش عارفه الحقيقه هي مشكله ولا لأ !! بدون تفاصيل كتير اتقدملي شخص للخطوبه 
مغترب كان متجوز من اجنبيه اتعرفنا عن طريق الاهل كان انسان لطيف ظروفنا مناسبه لاني كمان منفصله اتكلمنا سنتين مأخدش فيهم اي خطوات بسبب اجراءات الطلاق والتجنيس اختلفنا من شهر ٧ وانا عملتله بلوك من كل حاجه .. دلوقتي رجع كلمني من اكونت جديد بالحرف قاللي انا بتكلم معاكي علشان زهقان ولما بنتكلم بحس اني مبسوط وبس قولتله بس انا مش للتسليه او علشان زهقان 
قاللي خلينا نجرب بس مش هنقول لاهلنا حاجه 
وبرضوا مش بنتكلم كتير وبصراحه انا اصلا بتأخر جدا ف الرد علشان مش عايزه ارد وبفكر اعمل بلوك تاني؟! اسفه اني طولت بس فعلا مش عارفه اعمل ايه..

Strawberry_27571 🇪🇬 · Accepted Answer

طب ما انتي فاهمه نيته وانه بيتلاعب عايزة ايه اكتر من كده وضوح😶
وبعدين ده انسان مش كويس ازاي يقولك خلينا نجرب من ورا اهلنا دي هو مبيحترمش نفسه ف بالتالي مش هيحترمك ف صوني نفسك و سيبك منه و ان شاء الله ربنا هيعوضك خير باللي يقدرك و يحبك و يحترمك 
انتي متستاهليش كده يبنتي ده بيعك

Strawberry_29159 🇮🇹 · Answer

ده بيتسلي بيكي لو عايزك ياخد خطوه علي طوال انا بردو مغترب وبعرفك

Coffee_33984 🇪🇬 · Answer

يعني اعمل بلوك تاني ؟ 
وانا كده كده عامله بلوك من كل حاجه

Strawberry_29159 🇮🇹 · Answer

ايو طبعا وبزات لما بيقولك منعرفش اهلينا

Coffee_33984 🇪🇬 · Answer

كل المشكله اني صدقته لانه كبير مش صغير ف نص ال ٣٠ مفكرتش انه ممكن يكون مش كويس او عايز يقضي وقت وخلاص خصوصا انه دخل بطريقه رسميه !!

Coffee_33984 🇪🇬 · Answer

متشكره جدا

Strawberry_27571 🇪🇬 · Answer

انا ده تفكيري لاني بره الموضوع بس والله انا حاسة بيكي و مقدرة ان مشاعرك متلخبطة بس انتي بتقولي بقاله سنتين مبياخدش خطوة و بعدتوا و بعدين راجع عايز يكلمك من ورا اهلك و هو مش صغير عالتصرفات دي و فوق ده كله واضح انك مش مرتاحه لكن مش قادرة تاخدي القرار ف ممكن تصلي استخارة و ربنا هيدلك عالخير ليكي و لو تعرفي تحكي لحد قريب منك يكون احسن لان هنا الناس متعرفش تفاصيل هنحكم بالظاهر وعلي كلامك بس فاهماني

Strawberry_50878 🇪🇬 · Answer

هو زهقان يحبيبتي وعنده فراغ متقبليش ف ال اقل منك اعمليله بلوك من كل مكان ومتتكلميش معاه تاني هو قالك حقيقه اهو وم هيعمل حاجه بعدين

French Fries_50907 🇸🇦 · Answer

الي بيعمله ده مش هيضر حد غيرك فا خلي بالك الاحسن تعملي بلوك و حافظي على نفسك

Coffee_33984 🇪🇬 · Answer

شكرا بجد ع اهتمامك انا معنديش حد اتكلم معاه قريب مني غير مامتي واختي وكنت حاسه اني محتاجه اسمع نصايح من حد غريب وانا فعلا مش مرتاحه وهستخير إن شاء الله ادعيلي

Coffee_33984 🇪🇬 · Answer

ده حقيقي متشكره جدا

Coffee_33984 🇪🇬 · Answer

هعمل كده، متشكره جدا

Strawberry_27571 🇪🇬 · Answer

الشكر لله يحبيبتي و من غير شكر اصلا
ايوة فاهماكي بس اهم حاجه يكون قرارك قبل اي حد بعيد عن اهلك و الناس  اعملي اللي هيريحك انتي و ربنا يريح قلبك و بالك و يعوضك خير ان شاء الله

Strawberry_50878 🇪🇬 · Answer

انا اسفه اني ممكن اكون دايقتك بس خدي الحقيقه قدامك ومتعميش عينك ولا تخلي قبلك ياثر عليكي وسبيها ع ربنا ف كومنت انه هو كبير يعني عايزه اقولك انه كبير عرضه اكتر انه يعمل كدا للاسف ويتهرب تشيله جديده بتبقا ده. متعه ليه استغفر الله العظيم ف قربي من ربنا وربنا يعوضك خير باذن الله يقلبي

Kiwi_49822 🇪🇬 · Answer

لو عندى اخت ماعتقدش انى هرضى ليها الموقف ده ابدا بالذات ان الرجال اعلم بالرجال يعنى انا لو مكانه وعاوز احفظك واصونك هاجى اتقدم عالطول لكن لو عاوز العب هكلمك من ورا اهلك واشمعنى دلوقتى بيقول من ورا اهلك ما ليه مكملش راجل فا اكيد لا انا مرضاش ده لاختى 🩶

Peanut_29230 🇪🇬 · Answer

هقولك كلمتين صغيرين بس مهمين
صلى صلاه استخارة وشوفي ولو هترجعي ارجعي في الحلال
افتكري ان العلاقه اللتي بدايتها لا ترضي ربنا نهايتها لا ترضيك

Chocolate_50862 🇪🇬 · Answer

هو بيلعب بيكي هو لو دوغري وقد المسئولية كان طلبك من بيت اهلك

Coffee_33984 🇪🇬 · Answer

عملت بلوك خلاص يجماعه متشكره جدا جدا ع اهتمامكم بجد انا مكنتش قادره اخد القرار بمساعدتكم اخدته ف شكرا بجد 💗💗

Nutella_39839 🇪🇬 · Answer

هو اناني و قالهالك واضحة .. و اللي سابك مرة هيقدر يسيبك تاني و متضمنيش هل هو اصلا نيته كانت كويسة من الاول  ولا هو كلم اهلك عشان تطمني بعدين انسحب و قرر يرجعلك من وراهم عشان يوم ما تتكلمي ينكر انه بيكلمك من اصله متعرفيش بردو .. و ممكن يبقي عاوز يعملك مشاكل معاهم عشان ميبقاش في غيرة تبقي معاه غصب عنك و تسمعيه و يبقي عمل اللي عاوزة و يستغلك .. هو ف كل الحالات انسان مؤذي حتي لو المثالين دول مش صح ..🙂

Coffee_33984 🇪🇬 · Answer

هو فعلا غير سوي ومش عارف هو عايز ايه

Nutella_39839 🇪🇬 · Answer

انتي عملتي الصح و ربنا يرزقك خير بعيد عنه و يعوض صبرك❤️

Coffee_33984 🇪🇬 · Answer

شكرا جدا 
اللهم آمين ادعيلي 💗💗

Marshmallow_50073 🇪🇬 · Answer

يعني ايه زهقان وانتي بتبسطيني دي 
اوعي تقبليها على نفسك يا اما تكوني في حياته كل حاجة يا اما مايستهالش انك تكوني في حياته