مش بعرف اطبخ واهلي بيضغطوا عشان الجواز

Question

انا مشكلتي اني مش بعرف اطبخ حاولت كتير اوي مفيش اكله بتطلع معايا جميله وحد بياكلها لبتتحرق لبتطلع ناقصه ملح او زايده انا معنديش مشكله مع اني مش بعرف بطبخ على قد اني بزعل اوي من كلام اهلي و قرايبنا بجد كلام زي السم ان الراجل هياكل اي وان هو الي هيطبخ اصلا وان مفيش اصلا حد هيوافق ببنت خايبه بصراحه انا مش بحب الطبخ اصلا و بقرف من غسل المواعين ومش عايزه اتعلمو بس بيحسسوني اني مجبره على كدا عشان الجواز و ان الراجل هياكل اي وكدا انا محبطه اوي من كلامهم 
وكمان فيه عرسان اتقدموا  وانا مكنتش عايزه اكذب او اقول اني بعرف اطبخ فبقول زي الدبش اني مبعرفش فمحدش بيرضي طبعا ولو حد وافق انا الي مبكونش موافقه بيه

Cherry_74339 🇪🇬 · Accepted Answer

عادى يحبيبي تعيشى وتعملى وتتعلمى وواحدة واحدة الحاجه هتظبط

Pineapple_57987 🇪🇬 · Answer

هو لو في عريس رفضك بمجرد انه مش هيعرف يتعلف ف احمدي ربنا انه مشي

Corn_73160 🇪🇬 · Answer

انا شاب وبسبب اني كنت مغترب في الدراسه اتعلمت الطبخ فا الموضوع صعب فعلا في ظبط المقادير والملح وظبط النار المناسبه فا الموضوع بياخد وقت طويل فا انتي استمري وان شاء ها تتعلمي وتكوني احسن شيف بس اهم حاجه رايك اني مش راي الي هياكل انا الي كان بينتقد حاجه اعملها كنت بقلو قوم ما تاكلش الموضع سهل

Banana_68754 🇪🇬 · Answer

على فكرة غالبية بنات اليومين دول مثلك وبعد الزواج بيتعلموا المهم ان زوج المستقبل يتفهم ان اى ست تحب التشجيع  وجميع المطاعم تضع ملاحه لان الأكل حلو ملح يعنى الملح خفيف احسن حاجه وسويس شويه وممكن ربنا يرزق بواحد مقتدر بالتوفيق ان شاءالله

Chocolate_74465 🇪🇬 · Answer

انتي موش ضروري تكوني كاملة مفيش حد كويس فكل حاجه بس في انسان بتعلم عشان يبقى احسن كل يوم اهم حاجه انك بتحاولي دي حاجه تخلي اي حد فخور بيك بس لأسف اهلك موش عندهم احساس ولا ضمير و بعدين الزواج رحلة تتعلموا فيها مع بعض موش ضروري انك تكوني بتعرفي تعملي اكل من اول يوم بس مهم انك تكوني زوجه صالحه و الصلاح موش بالاكل

Potato_66678 🇪🇬 · Answer

تخيلي انك بتطبخي لجوزك حبيبك او ولادك حتتعلمي

Kiwi_69543 🇪🇬 · Answer

لو عايزة تسألي في حاجة انت زي اختي ..وعن تجربة من مفيش خالص فالطبخ ..ولله الحمد الكل يشهدلي دلوقتي ..فعارفة الاخطاء وعارفة علاجها..اما حتة انك بتقرفي ..فلازم يا حبيبتي تتعلمي ..لو زوجك اتحملك ايه ذنب اولادك فيما بعد ياكلوا من اكل الشارع او من ايد حد غريب ..ربنا ييسرلك امرك ويوفقك في حياتك