مشكلتي مع الصلاة وذنوبي.. إزاي أتوب وألتزم؟

Question

انا مشكلتي اكبر من كل ده مشكلتي اني قربت على 17سنة ومش بصلي يعني اوقات التزم وارجع اقطع لمجرد اني نسيت مرة او كسلت مع اني ملتزمة بأمور الدين التانية زي اللبس وعمري ما عملت علاقة حرام بس عملت غلط تاني كبير اوي حاولت ابطله بس بعد فترة عند اول خلوة مع نفسي بعمل كده تاني عارفة اني لو صليت هبطل اعمل كده بس الموضوع ده بيخليني مكسوفة اقف قدام ربنا وبحس انه مش هيبص في وشي وبقيت قرفانة من نفسي بجد وفي نفس الوقت حاسة اني مستاهلش حاجة في حياتي لاني مبصليش وكمان بعمل ذنب 
ازاي اخلي ربنا يسامحني وازاي اصلي من غير ما اقطع تاني

Apple_43677 🇪🇬 · Accepted Answer

انا فيه واحد قالي اياك ثم اياك ترك الصلاة لدرجة أن لو انتا بتعمل ذنب كبير جدا جدا والاذان إذن سيب كل حاجة وقوم صلي وانصحك بالتسببح 33 والحمد 33 والتكبير 33 وخمها لا اله الا الله وحده لا شريك له له الملك وله الحمد وهو على كل شيء قدير

Chocolate_35614 🇯🇴 · Answer

في مثل بيقول الانسان طبيب نفسه .. انتي عارفه ان الصلاة تنهى عن الفحشاء و المنكر .. ف ربنا يهديكي ي حبيبتي و ارجعي لصلاتك تاني و متخافيش لو رجعتي توبة نصوحه ربنا هيغفرلك باذن الله

Guava_32554 🇴🇲 · Answer

اوعي تقفلي الباب الي بينك وبين ربنا . الي هو الصلاة وانوي في كل مرة انك تتوبي لحد ما ربنا يكتبلك التوبة . لان التوبة هتمحي الذنب كانك معملتهوش. حاولي تبعدي عن المثيرات بقدر المستطاع . حاولي تصحبي ناس متدين . الصحاب ساحب لو سحبكوي في صفهم ان شاء الله مشكلك كلها هتتحل

Ice Cream_43663 🇪🇬 · Answer

بص يا سكر 
اولا علشان تحافظ على الصلاه لزم تدعي في كل صلاة انك تحافظ على الصلاه 
ثاني انا الله يغفر الذنوب جميعا إلا أن يشارك به ف لزم تكون عارف ان ربنا بيحبك وعلشان كده بيخليك تتوب عن الذنوب بتعتك بانه بيخليك تصلي وتقرب منه بس انت اوقات بتضعف وبتغلط بس هو مش سيبك وهيفضل معاك لحد الاخر  
سورة الانفال اقرا

Orange_43723 🇪🇬 · Answer

صلي مهما عملتي وان شاء الله صلاة ورا صلاة ودعاء ورا دعاء ربنا هيتقبل توبتك ويغفرلك يارب