انا شاب عندي 26 سنة. الحمدلله في نعم كتيرة جدا بس مشكلتي في الحياة اني هموت و أتجوز. مش قادر افكر في حاجة خلاص بشكل كويس غير الجواز.... مخي وسط الشغل مثلا و انا بعمل حاجة مهمة ييجي فجأة يفكر في الجواز بدون ادنى سبب. عندي رغبة غير طبيعية ان يبقى فيه بنت في حياتي بس بالحلال...عايز حد يومه واقف من غيري و يومي واقف من غيره و مش بنرتاح الا في وجود بعض. اه في جانب الاحتياج الجسدي اكيد بس الاحتياج الاكبر عاطفي بالنسبة لي...يعني بقعد اتخيل خروجات سوا....هاخدها و ناكل فين...حتى بتخيل الخناقات و المصالحة سوا. ارتبط مرة واحدة في حياتي ايام الجامعة بس بغرض الجواز مش لعب و لكن الاهل موافقوش ساعتها بسبب السن الصغير و أني كنت لسه متخرجتش و لا خلصت جيش. بعدها مرتبطش تاني و قررت اركز في الشغل لغاية ما اقدر اتجوز....بس مش لاقي حد....زمايلي في الشغل مثلا و لهم كل الاحترام مش مناسبين نهائي....مليش غير خال واحد و عم واحد بس و ملهمش بنات كل خلفتهم رجالة...يعني مفيش من طرف العيلة حد....قولت لأهلي من سنة و نص انا محتاج أتجوز و محتاج بنت في حياتي قالولي لما نلاقي حد مناسب هنقولك....سنة و نص عدت و مفيش ولا ترشيح مرة واحدة....انا عارف ممكن دي مشكلة تبان تافهة اوي بالنسبة لناس كتير بس انا مش عارف الاقي فين بنت مناسبة اتقدملها و من غير حلول مش حلال. انا ليل نهار مش بفكر غير في الجواز...اول و اخر حاجة بفكر فيها كل يوم.

5

27