toheal logo

Potato_40552 🇪🇬's منشور

Potato_40552 🇪🇬

منذ 6 أشهر

.

شعور لا مبالٍ

انا قعدت فترة كبيرة وحيد وانا صغير و يمكن ده خلاني قليل الكلام جدا بس بعد شوية وقت بدأت اخرج من تاني و اتحرك و كدا بس للأسف صديقي الي ساعدني اني اخرج من ده طلع بعدين شخص مش كويس بدون الدخول في تفاصيل بس بعدت عن كله تاني و ده خلاني عندي مشكلة اكبر و هي اني بقيت بتكلم كويس جدا و بتعامل مع الناس كويس بس مش بقدر اعبر عن مشاعري و مش بقدر ادي للناس الي هما طالبينه مني لدرجة اني بتوصف ساعات اني بارد او مشاعري جافه او انا غير مهتم مع اني ممكن يكون الشخص ده هو اهم حد عندي بس انا مش بعرف اوصل ده وكمان بسبب اني قعدت كتير لوحدي بقى صعب بالنسبالي اني اسأل على حد او ابدأ الكلام مع حد و ده برضو بيسببلي مشاكل ان ناس كتير بتكلمني و بتقولي انك مبتسألش غير لما احنا نكلمك و مش بعرف اقولهم ازاي اني مش بعرف اعمل ده مش مش عايز

6

7

Lemon_29679 🇪🇬

أفضل نصيحة

.

منذ 6 أشهر

عبر باللي تحسه مش باللي المفروض تعمله عشان اللي قدامك منتظر منك كده + حاول تشوف طريق بديلة تعوض بيها اللي قدامك عن قلة تعبيرك و موضوع انك مش بتبدي الكلام او السؤال ممكن تعوضه بانك الشخص الموجود دايما وقت ما غيرك يحتاجلك و برضو حاول مع نفسك تاني هتلاقي انه بيجي منك بس انت نفسك مكنتش عارف عنها كده عشان قافل دماغك انك مش هتعرف و يومك سعيد

10

0

Marshmallow_39520 🇪🇬

.

منذ 6 أشهر

في حاجات كتير تقدر تعبر بيها عن مشاعرك كمان لازم تبدأ بخطوات صغيره جدا يعني لما تشوف حاجة عجبتك أو حلوة قول عليها انها حلوة شوفت حد من صحابك لابس حاجة جميلة قوله أنها جميلة حد مغير تسريحة شعره قوله كدا يعني ال بتفكر فيه او ال بيجي في دماغك حاول تطلعه كمان الهدايا الهدايا دي برضو بنعبر بيها عن حبنا بس انت لازم تبدأ بخطوات بسيطة عشان الموضوع دا مس عبيط وممكن تخسر حد بسببه يعني لما تخطب بنت مثلا كدا

0

0

Guava_38341 🇯🇴

.

منذ 6 أشهر

نفسي انت والله نفس حالتي جد أنا فراغ جد مش عايش والله مش مزحة مش عايش

0

0

Guava_38341 🇯🇴

.

منذ 6 أشهر

الله يبدل الحال ل أحسن حال

0

0

Chocolate_41094 🇪🇬

.

منذ 6 أشهر

عموماً شعور الخذلان بيعمل كده بس مينفعش نكرر البنكره في الناس علي ناس تانيه ملهاش ذنب فا ممكن حتي لو هتضغط على نفسك تسأل أنت الأول تفتح أنت كلام لأن مينفعش تبقي علاقتك مع الناس من طرف واحد لأن ده بيستهلك الناس حتي لو عملت ده كتير كا مجامله في الأول حبه وهتتعود وربنا يزيح همك

0

0

التجربة أفضل عبر التطبيق

حمّل تطبيق توهيل على هاتفك لتجربة أسرع