السلام عليكم انا حبيت اشارك معاكم قصتي او فكرتي عشان انا شبه تايهة و مش عارفه اعمل ايه بالظبط الأول، اويل حاجه حابه اذكرها اني قاصر متمتش السن القانوني لسه و بابايا في منه شويه بخل عليا في احتياجاتي و شايف ان احتياجاتي المهمة دلع زايد و مش لازم تتعمل المهم هو جابلي لبس عيد يعني و كده و اتبقى من الفلوس دي 620 جنيه رغم اننا جبنا طقم واحد و كوتشي المهم انهم معايا و حبيت يعني اشترك في جيم لأن صحتي البدنيه مش احسن حاجه و قعدت اتناقش معاه كتير لحد ما اقتنع المهم في نفس الوقت بابايا يعتبر مقصر من نحيتي جدا ف انا يعني حبيت افتح مشروع اسند نفسي فيه بنفسي يعني اونلاين و كده و ميبقاش بيعطل دراستي اوي يعني ف لقيت مشروع مناسب و الحمدلله مع واحده صحبتي على النت المفروض انزل اجيب حاجات للمشروع ده طبعا ف انا مش عارفه اعمل ايه ولا ايه انا شايفه اني محتاجه اجيب حاجات المشروع و في نفس الوقت لازم اجيبها قريب و بردو عايزة انزل جيم، ف ممكن حد يقولي انهي اولى فيهم اني اعمله الأول و بعدين اعمل التاني او لو عنكم حلول تانيه ياريت ترشحوهالي و شكرا 🌹

8

4