مشكلتى إن عمر م حد سألنى انتى نفسك ف ايه؟؟.. من واول م فتحت عيني ف الدنيا دى من اول م بدأ يكون عندى وعى وأميز الأشياء كنت طفلة منساقة محدش علمنى يكون ليا قرارات شخصية حتى لو غلط.. لدرجة إنى بقيت مش عارفة انا عايشة ليه.. عايشة عشان المذاكرة والمدرسة ممكن ألعب شوية اتفرج ع التلفزيون شوية دى كانت طفولتى.. الحياة كانت المدرسة وبس والدرجات وإتهامى طول الوقت انى مقصرة.. بس محدش سألنى انا عايزة ايه ولا حتى حد قالى انا جيت الدنيا دى ليه.. دخلت الثانوية بذاكر بلا هدف عشان بس اجيب مجموع الى حوليا كل حد كان محدد عايز يدخل ايه انا كنت بس عايزة اجيب مجموع عالى عشان بابا وماما يفرحوا بيا هو دا كان معياري .. بس محصلش ودخلت اكتر كلية مبحبهاش بس الى هو الايام بتدعى.. لما خلصت الكلية إتكشفت انا حد عاجز مبيعرفش يعمل حاجة كنت متدارية ف المذاكرة والدراسة لكن انا معرفتش أعمل لنفسي حياة.. نزلت أشتغل من باب انى أتشاف بعمل حاجة طب هل انا بحب الشغل ولالا.. كل مرة مكنتش بقعد ف شغلانة شهر ع بعض لانى مش عارفة انا بعمل كدا ليه انا بهرب من البيت بس عشان محدش يقولى انى كسلانة.. سنة ورا سنة ورا سنة عطلت مخى عطل مبقتش فاهمة حاجة بقيت بنام كتير وبسرح كتير حاولت أنمى مواهبي عندى مواهب كتير بس برضو يبقى جوايا حماسة ف الاول وبعدين الحماسة دى بتروح وكل شوية بسأل نفسي انا هنا ليه.. انا فاهمة كويس اننا جايين نعبد ربنا.. ودا الى انا بعمله والحمد لله بجتهد فيه لكن مش بيتشاف كفاية مهما كنت ببذل مع الى حوليا انا برضو حاسة انى ضايعة نظرات ماما ليا بتحسسني انى ضايعة بسبب لغبطة نومى.. الحقيقة انى متعلمتش ازاى اعيش الحياة ضيعت وقت كبيييير كنت بشد فالايام كأنى بشد خيط عايزة اجيب نهايته لانى مش عارفة اعيشها ولا حتى عندى حد يعلمنى او يعيني اعيشها.. انا مش عارفة انا هنا ليه

1

10