خايف أتعلق بالناس عشان مش قادر على فراقهم

Question

دا انا مشكلتى انى بتعلق بالناس اللى بحبها بجد وبتعب اوى لما يخرجوا من حياتى بجد بقيت بخاف اتعلق بحد او احب حد ب زياده لانى ببقا عارف انه ف يوم هيفارق،بتعلق بالاماكن والاصدقاء والاهل حتى فى ذكريات مؤلمه لسه متعلق بيها💔

Coffee_59540 🇪🇬 · Accepted Answer

التعلق بيكون سببه في الغالب تجارب في الماضي كنت لما تحب حاجه تفارقك ودايما بتحس بألم الترك ، انك متروك طول الوقت من الناس ومن اي شيء بتحبه
ف لازم تدرك من جواك ان الحياه زي المترو وفي كل محطه طبيعي هيدخل ناس نتعرف عليها ونتعامل معاها لكن مش بالضروري يكملوا معانا بقيت المحطات لان في النهاية هما ليهم محطتهم وطريقهم واحنا كمان كده 
فخد الدرس من كل شخص ربنا بيدخله لحياتك لهدف

Mango_58587 🇪🇬 · Answer

عاش

Peanut_56462 🇪🇬 · Answer

حاول تفهم إيه السبب الرئيسى اللى وصلك لاحساس ده 
وراجع نفسك كده علشان نعرف نوصل لحل المشكلة دى

Chocolate_57541 🇪🇬 · Answer

اعتقد بنسبه كبيره محتاج ثيرابيست علشان يعرف السبب بجد حاسس انه بسبب فقدان الاهل بدرى ممكن لانه وانت سنك صغير وحد منهم يروح زى الاب مثلا محدش يعرف يعوض دا ف بتتعلق جامد بالام وهى كمان راحت ف اعتقد دا السبب وربنا يعينى 💔

Apple_57506 🇪🇬 · Answer

نفس المشكلة عندي شديد التعلق بالناس و وفي جداً و دلوقت بموت على أكتر حاجة حبيتها و شايفها بتروح مني

Blueberry_55451 🇪🇬 · Answer

أولا ربنا يعينك ويقدرك
ثانيا ده نفس اللي انا بمر به
ثالثا إيه هي الحاجة دي؟