مش برتحل ناس من برا ومش عارفة ليه

Question

عندي مشكلة فإن في ناس من برا مش برتحلها نفسيا حتي لما بتعامل معاهم حقيقي بيبقي عندي ضيق وببقي عايزة امشي بسرعه ومتلكمش معاهم رغم انهم معموليش حاجة بس مش عارفه ليه بحس بكده وكمان مش بحب ادخل معاهم في شغل وحاسه اني ممكن اكون بسوء الظن 
انا حقيقي مش مرتحالهم نهائي

Banana_63629 🇪🇬 · Accepted Answer

قلبك إللي بيشوف مش عينك... اسمعي كلامه بقى

Banana_74672 🇪🇬 · Answer

ممكن توضحي اكتر عشان مش فاهم

Chilli_64722 🇪🇬 · Answer

طالما مش بتشوفي كل الناس كدا يبقي عادي
بس فيه حاجة
لو اتعاملتي معاهم متتعامليش معاهم بحكم مسبق 
اتعاملي معاهم عادي جدا زي اي حد

Guava_62394 🇪🇬 · Answer

اقصد ان في ناس زي مثلا بعض زميلاتي مش ببقي مرتاحلهم نفسيا رغم انهم معملوليش حاجة حتي لما بتعامل معاهم مش برتحلهم وببقي عايزة اتجنبهم دايما ومتكلمش معاهم يبقي سلام بس 
بس بحكم الشغل الجامعي في تيم يعني هما بيبقوا عايزين يدخلو معايا بس انا مش ببقي حابه بسبب اني مش مرتحالهم بس حاسه بذنب اني ممكن يكون سوء ظن بس حقيقي نفسيا مش برتحلهم

Guava_49832 🇪🇬 · Answer

اسمعى قلبك 
متتعامليش مع حد مش مرتاحة لييه 
سوء ظن لما تحكمى عليهم انهم مش كويسين لكن كون انك مش مرتاحه ليهم دى حاجه مش بايدك واوعى تجبرى نفسك على كدة 
جمعك بالناس دى شغل او قرابة اتعاملى فى الحدود اللى تخليكى مرتاحة ومتزوديش عنها 
ومتنسيش ان ممكن اختلاف الاسلوب والطباع يخلوكى مش عارفة تتكيفى معاهم

Guava_62394 🇪🇬 · Answer

اه بحاول مخلطش الأمر فإني اعملهم او أبين اني مش مرتحالهم مخليه علاقتي بيهم سطحيه سلام بس 
بس مشكلتي في مشاريع التيمات هما بيبقوا عايزين يدخلو معايا وانا مش ببقي حابه لهذا السبب حرفيا بحاول أرفض اكون معاهم بدون ما احسسهم بس انا احيانا بحس باني ممكن اكون غلط او احساسي غلط بس حقيقي حاو لت اكثر من مرة اتعامل معاهم مرتحتلهمش

Guava_62394 🇪🇬 · Answer

هو اختلاف اسلوب وطباع وتصرفات حقيقي بحس اني اكبر منهم مش قدهم 
بس فعلا اثبت اني ابقي بعيدة أفضل

Guava_49832 🇪🇬 · Answer

طبيعى مش هتكونى مرتاحة وانتى بتتعاملى مع ناس مختلفين عنك 
اثبتى على وضعك ولو جمعكم شغل فى الجامعة او كدة مش مشكلة طول ما دة مش هياثر عليكى

Chilli_64722 🇪🇬 · Answer

طيب سؤال 
حد قالك عليهم حاجة ؟
سمعتي عليهم اي حاجة ؟
شوفتي منهم حاجة وحشة ؟!

Guava_62394 🇪🇬 · Answer

بقول مش مرتحالهم رغم انهم معملوليش حاجة 
معملوليش فعل مؤذي 
لكن تصرفات اسلوب كلام بمعني انا ببقي طيبة او بتكلم مش بخبث 
لكن هما العكس ودا بيقفلني منهم حتي نظراتهم مش بتبقي مريحه 
هما يبان معموليش حاجة بس حقيقي التصرفات وطريقة وأسلوب الكلام بيخليني قلقانه منهم طول الوقت وانا معاهم

Guava_62394 🇪🇬 · Answer

حقيقي بحس اني اكبر منهم واني مش تبع جيلهم 
وحقيقي موضوع ال team work  مرهق 
بس احاول اتجنبهم علي قد ما اقدر

Chilli_64722 🇪🇬 · Answer

طيب يابنتي ماهو فيه سبب اهو 
يعني مش مقفولة منهم بلا هدف 
خليهم بالنسبالك ولا حاجة 
اتعاملي معاهم كأنهم غرب

سلام سلام بس

Guava_49832 🇪🇬 · Answer

ربنا معاكى ويقويكى يارب يا جميل 
اتعودى متجيش على نفسك لاى سبب عشان متتعبيش🤍