السلام عليكم اهلا جميعا انا محتاجة نصيحة لأني مش عارفة الخطأ فيا او في الشخص انا مرتبطة بواحد من 5 شهور تقريبا ، كان مهتم وحلو وحباب ، فيه مرة لاحظت انه يحاول يبعد ف واجعته انه هل يبي يبعد او شي ، حكالي ان التفكير هذا غلط ونمحيه من دماغي وبعدها لأني حسيت نفسي ثقيلة عليه معاش ارسلت اي رسالة ، ف ما ارسليش يومين بعدها ارسل و قالي انه يحاول يبعد لأنه مش عايزني اتعلق بيه اليوم اللي بعده رجع يتكلم زي قبل عادي جدا ومهتم وحباب ، لو ما ارسلتش يرسل و يزعل لو تأخرت في الرد الخ بس انا معاش مهتمة زي قبل ، حاجة فيا انكسرت . المهم يمر الزمن الاسبوع اللي راح لقى عمل و بدا يشتغل ، وانا فرحانة للشي هذا ، بس بدأ يهملني ، رسايلي تتعلق بالساعات ، اسأله فين يبعتلي صورة او يتصل بيا فيديو كول يوريني انه في العمل ، اول ما يرجع للبيت يتصل بيا شوية ويدخل يحكي معي شات لين ينام . حاولت اني ما اعاتبش او ادخل اي نقاش معاه ، مانسألش هلبا لأنه رسايلي يضلو متعلقين اقل مثال اليوم ارسلت صباح النور ماردش عليا ، بعد ست ساعات ارسلتله مشغول ، وقتها بس تذكر اني موجودة 💔 انا مش عارفة هو فيه ايه! سألني مرة قالي انت مش مهتمة بيا زي الاول هو فيه حد ثاني ، قلتله اكيد لأ ولو بنفكر بالشي هذا فأكثر حد ممكن يكون عنده حد ثاني هو انت ، قالي والله مافيش منه الكلام ، وانا مش حخونك ، وانت تشوفي مشغول ومش متفرغ لذلك انا مقصر ، و ح نعوضك وعد بس انا مش مرتاحة ، حاسة حالي عالرف ، انا بكون عادي انه ما ارسلش عادي جددا ، بس في لحظة احس اني مش اولوية اتضايق نصيحتكم ، رأيكم ، فين المشكلة فيا او فيه شي خطأ من جهته ، اريد وجهة نظركم❤

3

0