أنا مبعرفش أتعايش مع الشغل الروتيني والمديرين!

Question

انا عندي مشكلة في فكرة الشغل مبعرفش اتعايش مع اي شئ روتيني لما كنت بجرب اشتغل مكنتش بكمل شهر ع بعضه في شغلانة وعندي مشكلة في طريقة المديرين في الشغل انا مبعرفش اسكت لو اسلوب الي قدامي معجبنيش حتى لو كان مدير.. انا والله يفرح بالبنات الي بيعرفوا يشتغلوا ويستمروا في شغلهم بحس ان عندهم قدرة رهيبه انا لا معنديش طاقة ولا روح انا بحب البيت واني اعمل كيكة 😂
الحمد لله اني بنت مش ولد والا كان مستقبلي ضاع وعشت عالة على المجتمع 😂?

French Fries_62143 🇪🇬 · Accepted Answer

وكتاب الله انتى قمر يا ريت كل البنات يقعدو فى البيت يعنى صدقينى الحياه هتبقا احلى بكتير والله 😂😂

Mango_29955 🇪🇬 · Answer

هتكرهي نفسك ودنيتك لو كانت المدير عليك بنت والله

Marshmallow_69067 🇪🇬 · Answer

والله لو راجل او بنت انا تركيبة شخصيتي مش بعرف اتحمل الاوامر بتاعت الشغل دى

Marshmallow_69067 🇪🇬 · Answer

والله النزول وسط المجتمع دا كل يوم بهدلة وبحس انه عكس طبيعة البنت انها تتبهدل مش ببقى فاهمه يعنى ايه اشتغل كل يوم كل يوم مفيش حتى اجازة زي بتاعت المدرسة الحمد لله اني مش محتاجة اعمل كدا بس مقدرش الوم برضو البنات الي بتنزل تشتغل لان اكيد ليها اسبابها محدش هيتحمل الشغل الا لو وراة مسؤلية

Mango_29955 🇪🇬 · Answer

والله ياريت كل البنات زيك

French Fries_62143 🇪🇬 · Answer

عندك حق بصراحه بس انا من أنصار إن الست تقعد فى البيت وينصرف عليها اصل الستات مش بتاعت شقى الرجاله لكده بس ربنا اعلم بظروف كل واحد وبصراحه انا راجل ديموقراطى مع إن الست تخرج براحتها برضه يعنى فى المطبخ والصاله والبلكونه براحتها بقا 😂😂

Marshmallow_69067 🇪🇬 · Answer

مش كل البيوت فيها رجالة بجد وفاهم يعنى ايه قوامة وان البنت مسؤلة من الاب والزوج والمفروض متتبهدلش

Marshmallow_69067 🇪🇬 · Answer

اعتقد اننا كتير بس هما مش فاضيين يعبروا عن نفسهم زمانهم نايمين😂😂

Mango_29955 🇪🇬 · Answer

لا هو مفيش غيرك عشان الباقيين استرونج انبدنت وومان 😂😂

French Fries_62143 🇪🇬 · Answer

فعلا عندك حق

Marshmallow_69067 🇪🇬 · Answer

لا دي فرهدة هو فيه احسن من البيت😂

Mango_29955 🇪🇬 · Answer

لا طبعا طب والله احلي تحيه لروقان دماغك دا 😂😂