شكرا ليكم بجد على النصايح اللي على المشكلة اللي فاتت بإذن الله هعمل بيها المهم جايالكم بمشكلة ثانية😂 أنا شخص غيور جدا مش بغير على صديقاتي أو كده لأ بغير على أمي وخالتي والعيلة يعني بس بالأخص أمي فاكرة مواقف كتير ليا زمان كنت بفكرها تلبس الجلاڤز علطول برغم إني كنت صغيرة جدا وممكن أتخانق لو لقيتها لبست عباية ضيقة شوية "طبعا صوتي مش بيعلى دي أمي بس أقصد إني بتخنق وبرخّم ما بقدرش أستحمل وهي منتقبة الحمد لله" المهم بعد ما بابا مات ماما تزوجت أنا حاليا مش قادرة أتقبل زوجها ده بأي شكل من الأشكال بعيدا عن إنه أوريدي شخص مش كويس بس أنا بغير برضه وطبعا عشان زوجها مش هقدر أتصرف فبقيت علطول قافلة أوضتي عليا مش بخرج غير للدروس، حتى الأكل بستناهم يخلصوا وبعدين أقوم أغرف وأدخل آكل في أوضتي ماما بدأت تحس بإني ببعد حبة حبة برغم إنها ساحبة الأجهزة مني علطول فبتستغرب أنا بعمل إيه في أوضتي أنا أصلا لحد دلوقتِ مش متقبلة فكرة إن بابا مات لإنه أغلى وأقرب شخص لقلبي كمان يبقى في بديل ليه! الحوار ده مش مشكلة على قد ما هو فضفضة شكرا لحسن قرائتكن😂💗

7

3