عندى مشكلة انى مبحسش بالإنتمتء لأى مكان او اى حد يمكن دا حصلى اخر ٧/٨سنين قبلها اعتقد انى مكنتش كدا .. لكن على مستوى الأهل في طفولتى مكانش بيربطنى بيهم مشاعر او مسألتش نفسي وقتها انا بحبهم ولالا بس اهم حاجة بالنسبالى كانت انى اتجنب انى اتعرض للوم او الأذى ايا كان شكله.. في المدرسة حاولت اعمل صحاب بس يمكن انا معرفتش اتعامل المهم ان كل مرحلة ف عمري كان ليها اصحابها او الى هو الناي الى بنقضي مع بعض المرحلة وشكرا لحد الكلية نفس الكلام وكنت بروح جمعية رسالة وعملت اصحاب بس نفس الكلام من بداية الثانوي كنت انا الى ببعد ومن بعد الكلية انا اغلب الوقت في البيت مش بتكلم مع حد بس في البيت بنزل كل فين وفين جربت اشتغل مقدرتش اتأقلم الحياة مش سودة اكيك كان فيه اوقات لطيفة ف البيت وبرا بس بقيت بهرب من اى علاقات انسانية من اى نوع حتى انا من كام سنه كنت مخطوبة عمري م حاولت ابادر واكلمه مهما إتأخر في الإتصال مكنتش ببادر خالص لحد م لقيت نفسي مش عايزة اكمل في الموضوع .. انا لو اى حد احتاجنى مهما كان محتاج ايه لازم اروحله واساعده لكن انا مبحبش أطلب حاجة من حد مبحبش احكى حاجة لحد ولو حصل بعد محايلة كتير من الطرف الاخر بندم.. حاليا انا يمكن ماليش علاقة مستمرة الا مع ماما عشان عايشيين سوا بس😅😅 لكن انا معنديش مشكلة اقعد بالايام متكلمش غير انى مش فاهمة انا ليه مش زي الناس مش بتربطني مشاعر بحد .. بحس ان كل المشاعر لطيفة انك تحس بالانتماء لحد ايا كان نوع العلاقة وانه غالى عندك انا مبحسش كدا وعشان كدا مبزعلش من حد ولا بعاتب حد ولا بشغل دماغى اصلا.. مش حاسة ان دا شئ صح لكن انا فجأة لقيت نفسي كدا ومش مضايقة بس بخاف من بعدين

0

4