مشكلة خطوبة من سني ورفض الأهل

Question

انا بحب واحد قدي نفس سني كان معايا في الجامعه بس عمرنا م اتقابلنا اتعرفنا من جروب الدفعه هو ملتزم دينيا وانا كمان ارتحنا شوية في الكلام بس انا قولتله اي اخرتنا دي  كدا  قالي خطوبة بإذن الله حاليا في كدا عائق 
مامتي رافضة حد من سني ورافضة اني استناه علي م يمسك بس شغل ف ايده. انما شقته جاهزة وانا لسة قدامي سنة امتياز وبرفض ناس جاهزة علشان مستنياه اعمل اي ولا افكر ازاي مع ان والله انا مش هوائية خالص وبفكر بعقل

Banana_69853 🇪🇬 · Accepted Answer

المفروض نختار الزوج زاي ما قال لنا الرسول  هو الخلق و الدين 
و انتي بتقولي ملتزم دي حاجه كويسه و مرتاحه له 
عارفه المشكله انك خايفه تفتحي قلبك أو تكوني اختارتي غلط لا متخافيش صلي و اطلبي من ربنا يقدملك الخير

Potato_64725 🇪🇬 · Answer

حطيه ف اختبارات وشوفي قدها ولا لا

Carrot_70461 🇪🇬 · Answer

كلمته في حوار اني هعرف ماما واختي عليه وعلي حاله مرفضش وقاللي انا معنديش مانع

تاني حاجة انا شايفاه بيدور علي شغل وعاوز يشيل مسئولية

Apple_70432 🇪🇬 · Answer

السن مش مشكلة نهائي بالعكس تبنو بعض وتقفو جنب بعض حاولي تقنعي ولدتك ان سعادتك اهم شيء واتاكدي منه انه فعلا ملتزم دينيا وانسان علي خلق ودين اعملي استخارتك وتوكلي ع الله لقيت الموضوع مشي ولدتك غيرت رايها يبقي غير لا الموضوع اتكعبل ورفضة نهائي يبقي تسمعي كلامها وبيكون مش من نصيبك وربنا يكرمك بالاحسن

Potato_64725 🇪🇬 · Answer

يبقي استني معاه

Carrot_70461 🇪🇬 · Answer

سالت عليه وطلع فعلا ملتزم وخلوق 
بس لحد دلوقتي في حاجات في اسلوبه معايا قلقاني منه 
يعني ساعات بيبقي حساه مش مهتم ويتاخر في الرد واما اساله بيبقي ي اما مسافر ي اما مع اهله ومش عارف يرد ي اما رجع تعبان ونام انا حساه صادق بس لما بحكي لاي حد بيقولي بيضحك عليكي انا ممريتش بتجربة زي دي قبل كدا انا اول مرة ادي امان لحد واما بواجهه بيقولي بطلي هبل وتصعيد مواضيع كدا وبيعتذر وبيفهمني اسبابه

Carrot_70461 🇪🇬 · Answer

♥️♥️♥️ دعواتك

Apple_70432 🇪🇬 · Answer

ساعات دي بتحمل حاجات كتير يعني لو مش ع طول عادي ظروف وبتحصل مع الكل التاخير وارد اما لو ع طول كدا بدون سبب قوي كدا عدم اهتمام ودي حاجة هتتعبك انتي لان ف ناس كدا طبعها مش بتهتم ف انتي لازم تشوفي اطباعه وهل هتتوافق معاكي ولا لا لو ف حاجة زي كدا اتكلمي معاه بصراحة انا بيدايقني كذا وكذا وازعلي واقفلي لحد ما تتظبط كل اطباعه واسلوبه معاكي

Carrot_70461 🇪🇬 · Answer

بصراحة الاول لاحظتها طبع فيه حتي كدا مع اخواته وولاد عمه 
بس بينتله اني بتدايق بقي بيعتذر ولما بعد كدا بيغيب بيجي يقولي انا اسف كان عندي كدا كذا ف انا بقيت متأقلمه ع الوضع الاول كنت بزعل واتضايق دلوقتي مش عارفه انا تقبلت كدا ولا انا بقيت باردة

Carrot_70461 🇪🇬 · Answer

انا بقعد اقوله كل شوية هو انت بحد بتحبني ؟! طيب لي اي الاسباب وحاسة اني مش عارفة ادي الامان خالص

Banana_69853 🇪🇬 · Answer

حاولي متشوفيش العالم اللي حواليكي و اللي بيحصل واللي  بنسمعه و خلي عندك يقين بالله و اتفائلي خير و متقلقيش ربنا هينور طريقك و بصيرتك أن شاء الله هو طالما راجل ابن و ابن اصول و متربي و بيعرف يتكلم و دي مهمه و عنده طموح و بيسعي ،توكلي علي الله و كفي بالله وكيلا