ليه بجذب للستات الأكبر مني؟ مش عارف أوقف الموضوع ده!

Question

انا شاب عندي ٢٥ سنه و عندي مشكله اني بنجذب أوي للستات اللي أكبر مني و مش ببقي مرتاح اما اكون مرتبط مع حد في سني او اصغر مني يعني دايما برتاح وانا بتكلم مع ست أكبر مني و حسيت بكده انا بتكلم مع امهات صحابي و اي ست اكبر مني عموماً حاولت أوقف الموضوع ده بس مش عارف حد عنده تفسير لده او حل ؟

Popcorn_37087 🇪🇬 · Accepted Answer

لا عادي دي معايير تختلف من واحد لي واحد

Strawberry_11842 🇪🇬 · Answer

لا بس عادي يعني بس مش لدرجة امهات اصحابك فاهم!؟

Chilli_38233 🇪🇬 · Answer

ده مثال بس ديه حاجه عامه عندي حتي جيراني اي حد بشكل عام  بميل للأكبر مني عموماً بشكل غريب

Strawberry_38139 🇪🇬 · Answer

الدهن فى العتاقى 😂😂 بهزر بهزر 
الرسول اتجوز الى اكبر منو ف مفهاش حاجه يعنى بس انتا هتجيب منين واحده بنت لسه وكبيره اوى كدا تجوزها ف اكيد هتجوز بقا يا مطلقه يا ارمله ف معتقدش اهلك هيوافقو بحاجه زى دى وبعدين كبيره يعنى هتعجز بدرى بدرى ولا هتبقا حمل اطفال وحيل ليك انتا شخصيا جرب مع واحده صغيره وعلمها انتا على ايدك بتحب اى وبتكره اى وبس

Chilli_38233 🇪🇬 · Answer

ده الكلام المنطقي بس انا رغبتي و انجاذبي مش منطقي

Strawberry_38139 🇪🇬 · Answer

واصلا الحمل فى السن ده صعععب جدا لقدر الله بيجى اطفال مشوهين والله انتا لو مستغنى ان يبقا عندك اطفال وكمان مستغنى عن اهلك الى مش هيوافقو اتوكل على الله واتجوز

Orange_13162 🇪🇬 · Answer

لا يوجد حرام في هذا ما دمت لا تتعدى حدودك و هذا طبيعي

Coffee_27700 🇪🇬 · Answer

الموضوع مش عادي يا صديقي. مش عادي انت بنت تنجذب لراجل قد والدها ولا راجل ينجذب لستات كبيرة الموضوع بيبقى وراه أسباب نفسية محتاج تكتشفها وتعالجها. زي مثلاً حب شديد لوالدتك أو غياب دور الوالدة وبتعوضه والزوجة مينفعش تقوم بدور الوالدة.
اتكلم مع مختص هيساعدك

Popcorn_37087 🇪🇬 · Answer

لا الموضوع عادي الرسول صلى الله عليه وسلم اتجوز الي اكبر من عادي

Coffee_27700 🇪🇬 · Answer

يا صاحبي الرسول اتجوز السيدة خديجة عشان حبها لكن مكنش انجذابه للكبار فقط.
الموضوع كان هيبقى عادي لو هو خلال مراحل حياته المختلفة حب بنات في سنه وبينجذب للي في سنه وبعدين حصل مرة قابل شخصية قد والدته وعجبته وانجذب ليها هنا ممكن نقول عادي رغم إن انجاح العلاقة هيبقى فيه تحدي.