مش عارفة أنظم وقتي بين الكلية والقرآن

Question

كنت بحفظ قرآن من نص تالتة ثانوي كده و كنت بتابع مع محفظة بس هي كان فرحها قرب ف وقفنا فترة من قبل فرحها ب شهر و المفروض هنرجعوا بعد فرحها بأسبوعين ولا حاجة ف كنا متفقين انا وصاحبتي اللي بتحفظ معايا بردو اتفقنا أننا هنروحوا لصاحبة المحفظة بتاعتنا نحفظوا معاها لحد ماترجع وانا صعب اوي اتعود على حد و اتعامل معاه وكده ببقى متوترة اوي في البداية لحد مااتعود عليه بعد فترة طويلة ف كان بالنسبالي حوار صاحبتها ده مش احسن حاجة بس كنت هروح ف مكانها انا معرفهوش و كنت متفقة هروح مع صاحبتي ف صاحبتي حالها كلية في محافظة تانية و هتروح سكن ف مروحتش و قولت للمحفظة بتاعتي هتابع مع نفسي في البيت هحفظ جديد و اراجع القديم وانا من ساعة مادخلت الكلية مش عارفة اعمل حاجة خالص بعدت عن القرآن خالص خالص وحتى مش عارفة اظبط وقتي مع الكلية و المذاكرة اصلا و مش بذاكر خالص يادوب بقرأ بس ف انا كل مشكلتي مع الوقت لو حد مر بحاجة زي دي يفيدني