عندى مشكلة مع الناس الى بتعاير بعض بالأقدار سواء بالتلميح او التصريح او في سياق هزار.. انى أحسس حد انه متأخر او ناقصه حاجة انى احسس حد انى جامد وعندى كل حاجة وانت لا ودا مش بيكون حقيقي ع فكرة محدش عنده كل حاجة بس فيه ناس بتتغذى ع التقليل من غيرها.. فكرة انك تعلق ع شكل حد او مستواه او انت ليه اتأخرت في الجواز خصوصا لو بنت او ليه مخلفتش.. لدرجة ان فيه ناس بتحسس الشخص الى ربنا كاتب عليه بلاء في شئ ان كدا ربنا غضبان عليك ودى ذنوبك مع ان ربنا مش بيبتلى الا الى بيحبه .. بالعكس ممكن الرزق الكتير يكون فتنة تلهيك بالدنيا وتنسيك تعمل للاخرة .. ربنا مقسم الارزاق روح اسأل ربنا اخرت الشئ الفولانى او منعته عن فولان ليه متسألش حد عن شئ مش بإيده هو .. انت ممكن توصل حد انه يعترض ع قضاء الله وهيكون في ميزانك.. سبحان الله مفيش رزق متأخر الا لما بيكون مبهر ربنا مبينساش حد لكن انت كلمة سلبية ممكن تقولها لحد تفضل في ميزانك للاخرة وتلاقي نفسك هناك مفلس.. متعلقش ع سن حد انت مش هيفضل عمرك ثابت ع فترة معينة متعلقش ع وضع حد الاجتماعى او ع شكله ملكش دعوة انت كدا مش هتبقى احسن منه بالعكس

3

2