عندي فراغ عاطفي كبير وخجل من الكلام مع البنات

Question

هو موضوع غريب شوية ويبان ضعف بس انا شخص عندي 25 سنه وحالتي المدية متواضعه جدا بس بقالي كتير اوي عندي فراغ كبير اوي من ناحيت اني نفسي احب بتكسف اوي اني اتكلم مع بنت او افتح موضوع معاها وفي نفس الوقت انا خجول اوي وبحس اني مثلا لو كلمت بنت بترعب من فكرة اني اتصد او مثلا يعني تحرجني في الكلام حاولت كتير الاقي حل في الموضوع ده ومش عارف اعمل ايه نفسي ارتبط واحب واتحب زي باقي الناس بزعل اوي واتاثر لما بلاقي اتنين مع بعض مثلا بيشاركو بعض وبيحبو بعض بتمنالهم الخير في حياتهم وبرجع ازعل من جوايا علي نفسي

Almond_68435 🇪🇬 · Accepted Answer

والله بحالتك دي الف بنت تتمناك بس بنسبة كبيرة بنان اكتر هتستغل عدم خبرتك و ممكن تقع بعد الشر في بنن كانت مقضياها للاسف مش هتقدر تعرف دا اللي انت فيه  هو الصح خليك زي ما انت الطيبون للطيبات و ربنا وعدنا بكدا اختار البيت الصح و خد اللي تخاف ربنا و جهز حالك كويس و اتقدم ... اللي بيكلمك دا واحد دخل في علافات كتير حدا و مازلت بقيت مستنزف عاطفيا و سهل الي حدا ما بس دا كله كان بسبب احتياجي للحب للاسف

Ice Cream_68447 🇪🇬 · Answer

يسطا في كتير كانو كدا وعادي مع الوقت هتعرف وتحب وتتحب 
المهم ركز انك متغضبش ربنا وصدقني الموضوع دا هيجيلك لوحدو

Apple_68249 🇪🇬 · Answer

صدقني انا ببقي نيتي خير دايما وببقي طيب بذيادة عارف انها سذاجة مني بس انا للاسف شخصيتي كده بحب اساعد واسمع واتكلم بس مش بعرف اكون اجتماعي خالص وعلاقتي مع ربنا الحمد لله كويسة وبدعيله يقف جمبي دايما

Ice Cream_68447 🇪🇬 · Answer

متقلقش عادي ودي مش سذاجه 
حاول تتعامل مع ناس اكتر وتختلط اكتر وتشتغل اكتر وغصب عنك هتتعامل يا صحبي 
كلنا كنا كدا عادي يعني

Onion_68412 🇪🇬 · Answer

ثق ف نفسك اكتر

Apple_68249 🇪🇬 · Answer

حاضر هحاول وشكرآ علي النصيحة

Apple_68249 🇪🇬 · Answer

بحاول بكل قوتي وبحاول اقرأ روايات او انزل اتمشي بس لما بلاقي نفسي لوحدي بمشي مش بعرف ابقي لوحدي حاسس بفراغ كبير اوي

Onion_68412 🇪🇬 · Answer

انت الوحده هتفشخك تعال خاص يستا نحاول تبقي احسن

Apple_68697 🇪🇬 · Answer

مفيش حاجه اسمها بيجي لوحده 😢

Apple_68249 🇪🇬 · Answer

عندك حق بس برضو المشكلة إننا الجواز عندنا مره واحده بس مش عايز أقع في حفرة اموت فيها من غير ما احس او اندم

Apple_68249 🇪🇬 · Answer

مش عارف ازاي

Onion_68412 🇪🇬 · Answer

والله ولا انا

Nutella_65474 🇪🇬 · Answer

حب وتتحب ف الحلال

Apple_68249 🇪🇬 · Answer

اكيد طبعا انا عمري ما فكرت في حاجه تزعل ربنا مني ولا دي شخصيتي ابدا وضد فكرة استغلال حد او ادي مشاعر مزيفة لحد

Apple_68249 🇪🇬 · Answer

مش مشكلة انا مقدر جدا إنك بتحاول تساعد

Onion_68412 🇪🇬 · Answer

يستا والله حاسس بيك حاول بس متكونش وحيد الوحده ممكن تبوظ حياتك

Apple_68249 🇪🇬 · Answer

انا بقالي ٨ سنين علي كده بروح الشغل وباجي نادرا لما بنزل مع حد حتي صحابي حاولو كتير بس بنزل معاهم ببقي صامت طريق الضحكة مقفول بنسبة ليا مع اني مكنتش كده في الأول

Onion_68412 🇪🇬 · Answer

بص سيبك من مكنتش كده ف الاول طبيعي شخصينا بتكبر و بتزيد نضج اهم حاجه تكون راضي عن افعالك و حاول تنزل مع صحابك حتي لو مش هتكلم و مع الوقت هيبقي عندك رد فعل معاهم

Apple_68249 🇪🇬 · Answer

يا صديقي انا شوفت البوست بتاعك من شوية وقرات كل الي انت كتبته وكان نفسي يكون عندي حاجه انصحك بيها او اقولهالك بس اقدر اقولك اني بعتزرلك علي اي حاجه مريت بيها احنا للأسف عايشين في زمن بقي صعب تفرق فيه الصح من الغلط او مين بيحبك او مبيحبكش بس بدعيلك ان ربنا يطبط علي قلبك وتطلع من اكتئابك علي خير لاني بمر بنفس فترة الاكتئاب

Apple_68249 🇪🇬 · Answer

بحاول صدقني في حجات كتير اوي بحاول فيها بكل قوتي بس اطلع من فترة الاكتئاب

Onion_68412 🇪🇬 · Answer

بلاش تحط نفسك ف زون الاكتئاب عشان لو اقنعت نفسك عمرك م هتخرج و متستناش ان خد يخرجك

Apple_68249 🇪🇬 · Answer

للأسف غرقان فيها بقالي سنتين انا يدوبك مسكت الفون الفترة دي مكنتش بستخدمه اصلا طول الفترة الي فاتت لدرجة انه طرب في الدرج

Onion_68412 🇪🇬 · Answer

اسمع ده مفيد جدا 
بودكاست عقليه ١ مع الاكتئاب و التعافي و إصلاح العلاقه مع النفس د. محمد ابرهيم

Apple_68249 🇪🇬 · Answer

هسمعه

Almond_68435 🇪🇬 · Answer

والله انا زيك انا عموما الفترة دي نفسي اخطب ا ي انا 26 سنة و موظف في جهة سيادية و بدل الشقة اتنين بس متردد اوي ف الجواز مرعوب من فكرة اني اختار غلط اوقات كتير بستخسر نفسي في بنات كتير

Apple_68249 🇪🇬 · Answer

إحساس صعب اوي فعلا

Apple_68249 🇪🇬 · Answer

ربنا يباركلك في حياتك ويرزقك علي قد تعبك انا بقي العكس اني حالتي الماديه متواضعه معنديش شقة وظروفي صعبة وشايل بيت من بعد ابويا الله يرحمه وعارف أن خطوت اني احب دي هتبقي صاعبة عليا وعليها بس إحساس صعب اوي إنك مش لاقي الي يطبطب عليك وقت وحدتك ومش لاقي الي يهتم بيك ويحبك بجد

Almond_68435 🇪🇬 · Answer

هتلاقي يحبيبي ان شاء الله انت منيين