التلامس الجسدي | The Physical Touch الكلام اللي بكتبه دلوقتي مش متجاوز أفكاري، لأنه حساس جدًا بالنسبة لي، لكن في الأغلب مفيش مكان تاني ممكن أكتب فيه كلامي ده غير هنا. في البداية خلينا نقول إن عندي 18 سنة تقريبًا. العواطف بالنسبة لي حاجة معقدة وحساسة جدًا، خصوصًا التواصل الجسدي. وهنا مش بنتكلم عن الجنس تحديدًا، لكن الأحضان مثلًا، وحتى اللمسات البسيطة من الجنس الآخر، دي حاجات حساسيتها عندي عالية جدًا. وده ببساطة لأني مش شبعان ومش ممتلئ من الناحية دي. وده بسبب اضطراب البيت عندي، لأن أهلي منفصلين، وعلاقتي بيهم معزولة عاطفيًا تمامًا. وده عشان مشاكل كتير مش حابب أطرق ليها على كل حال. الاضطراب ده عبارة عن فراغ كبير جدًا جوايا، وللأسف الفراغ ده بيقتلني وأنا مش حاسس. المشكلة الأكبر هي الخلط بين العواطف البريئة والجنس. وده في حد ذاته شيء معقد بالنسبة لي، عشان مش دايمًا بعرف أفصلهم عن بعض. فده بيخليني أبعد عن أي تواصل جسدي مع أي حد أيًا كان. الموضوع معقد ويطول عن كده، لكن خليني أسمع آراءكم، وشاركوني تجاربكم لو مشابهة ليا. شكرًا لوقتكم 🖤

1

10