احنا في حياة بعض بقالنا ٧ شهور من اول يوم و هو كان صريح انه عايز يعرفني عشان يكون في حاجة رسمي و كان صريح في كل حاجة حتى في ماضيه ظهرت اول مشكلة و هي مشكلة أهله و إنهم رافضين فكرة انه يختار عروسة عايزين يجوزوه حد معين ، مع العلم ميعرفونيش و لما فتح الموضوع رفضوا المبدأ و مع ذلك حاول و كملنا بس مع كل مرة الموضوع ده كان بيحصل و يختلف مع أهله يقرر يمشي فجاة يومين و يرجع و يعتذر ..اول فترة كان مراعي كل حاجة كان معايا في كل حاجة و مطمني ..كل ما الوقت بيطول بقى ابرد بقى يقسى و يخوف و يبقى سلبي مبقتش فاهمة أنا إيه و بعمل إيه في حياته شوية أبقى كل حاجة شوية لا حتى الكلمة الحلوة مبقتش تتقال و لما طلعت عن صمتي كل حجج الدنيا اتقالت بعدنا و رجع هو و اعتذر و تمام و عدينا بس رجع تاني بل أوحش من قبل كده العلاقة قايمة على احتمالات و على محاولات مفترضة بس أنا تعبت مبقتش عارفة أنا صح إني واقفة جمبه ولا غلط و ماستهلش كده قلبي واجعني حقيقي و مش عارفة اعمل إيه

8

7