مشكلتي مع الضحك الزائد و شعور الناس إني تافهه

Question

انا عندي مشكلة حقيقية و هي أن انا بضحك طول الوقت و على اي حاجه...و ده بيخلي ناس كتير تشوفني تافهه و تستقل بيا و مش مديني فرصة اثبت اني بعرف اتكلم جد عادي و بابا كان بيكلمني في الموضوع ده بجد و بيقولي أن الحياة مش كلها ضحك و اني لازم ابقى جد اكتر من كده لكن انا مكنتش شايفه أن في مشكله بس مع الوقت الموضوع بدأ يحرجني ببقى في موقف جد جدا و تحصل اي حاجه تافهه افضل اضحك و مبعرفش اتحكم في نفسي بجد الموضوع مدايقني و مش عارفه اعمل ايه

Avocado_51186 🇧🇭 · Accepted Answer

بالعكس والله مش معني ان الشخص بيضحك دايما ده معناه انه تافه او مش شخص جد بس انتي ممكن تكوني واخده الأمور ببساطه خالص وصدقيني والله انتي قلبك ابيض من جوه وانا من رأيي خليكي زي ما انتي واوعي تغيري من شخصيتك طالما مش بتأذي حد وربنا يوفقك ويصلحلك حالك يارب

Orange_38568 🇸🇦 · Answer

الضحك أحيانا بيكون رد فعل الجسم للتوتر، حاولي تقللي التوتر اللي في حياتك

Apple_13812 🇪🇬 · Answer

هو انا اه بتوتر كتير بس حتى في حياتي العاديه في البيت مثلا او مع صحابي بحب اهزر كتير و اضحك على اي حاجه علشان كده انا مكنتش شايفه أن في مشكله انا مع صحابي و اهلي عادي بس مع الوقت بدأوا يقولوا أن انا تافهه و هبلة و في كلامهم العادي مش بيحترموني زي اخواتي مثلا يعني مش بياخدوني جد خالص و لو اتكلمت جد يفضلوا يضحكوا و يبقوا شايفني بهزر

Apple_13812 🇪🇬 · Answer

انا فعلا واخده الأمور ببساطة جدا و بحب اهزر و اضحك علطول بس مع الوقت بقت هي دي فكرة الناس عني مبقتش عارفه اخليهم يميزوا بين وانا بضحك و بهزر عادي و وانا بتكلم جد، بقيت كل ما اجي اتكلم جد مياخدوش كلامي بجد و يفضلوا يضحكوا و يبقوا شايفني بهزر و حاولت أوضح الموضوع لماما و اقولها أن انا بحب اهزر علشان اتبسط و ده مش معناه اني تافهه و أن هي تبطل تعاملني على اني مش فاهمه حاجه و برضو زي ما هي