وحده صحبتى هى مؤدبه جدا و قمه فى الاخلاق و الاحترام المهم هى ملهاش فى الارتباط و الكلام دا كنا فى تالته ثانوى دفعه 2025 المهم كنا عايزين ناخد درس برايفت كنا 4 بنات و 3 ولاد عملنا جروب و كدا حتى هى مكانتش بتتكلم خالص غير لو فى المعاد المهم حصل كلام بينها و بين ولد من الجروب هو كمان معروف عنه انه مؤدب و محترم كانو أصحاب جدا و بيتكلموا 24 ساعه حرفيا ديما يسأل عليها لو حطت استورى حزين شويه فى ثانيه كان يدخل يسألها فى ايه ولازم تقوله فى ايه فعلا و كان بيجبلها الكتب الاونلاين كمان و متابع معاها دروسها و كل حاجه كل دا و هما أصحاب بس هى كانت بتقولى انه بيلمح احيانا انه بيحبها لعند فى يوم م اتجرأت و قالتله انت بتحس بحاجه من ناحيتي قالها انتى زى اختى انا بحب اتكلم معاكى و بقفل من الناس كلها الا انتى و بحب احكيلك كل حاجه يا جماعه كان بيبصلها بطريقه واحد بيموت فيها عينه فى اى مكان و اى درس عينه عليها هى بس فجأه الكلام اتقطع بينهم نهائى بالرغم انه حصل بينهم مشاكل كبيره بس كانو بيرجعو احسن من الاول و دلوقت هما مستحيل يتكلمو بس لما يشوفها فى اى مكان يقعد يبص بردو نفس الطريقه ملحوظه(شخصيتها كانت متغيرة جدا و هما بيتكلموا كانت بترد عليه ديما و بتسيبه يهزر عادى خالص)هى إلى الآن مش فاهمه حاجه

0

7