صحبتي ظروفها مادية أحسن مني وبخلي حياتي صعبة

Question

نفسي الاقي حل صحبتي مستواهم المادي كويس جدا وباباها رجل طموح وعنده مشاريع وكل الي بتطلبه بيجيبهالها ومسهل عليهم الحياه عكس حياتي تماما كل حاجه صعبه بابا مبيحبش يتقدم مصروفي مش كفايه المهم بلاقيها من النوع الي هوا انا لما احكيلها مشكله عندي تقعد تكبر هي في مشاكلها ومشاكلها بتكون صغيره او مش راضيه وتقعد تقول دا انا باخد مبلغ كذا ومبيكفنيش وعاوزه اجيب واجيب واجيب فببص لحالي بقول اومال انا اعمل اي  وساعات بقولها مثلا على ظرف عندي تقرلي الحمد لله انهم مش كدا وتضحك بدل ما تهديني مثلا تفرح انها مش زيي تقعد تقول مثلا انها في جهازها هتجيب كل حاجه واغلا حاجه  هي شكوتها وانها معترضه دايما بيخليني انا مش قنوعه خالص بالي عندي ومش بحسدها بس طريقتها بتخليني مش عارفه ارضى عن حياتي خالص

Tomato_60726 🇪🇬 · Accepted Answer

محدش بياخد كل حاجه ديه الحياه 
شوفي انتي والدك موفر ليكي ايه هو مش موفره ليها 
والدك هتلقيه ممكن بيسمع اكتر بيشارك معاكي حياتك اكتر 
مخليكي انسانه فاهمة مش زي صحبتك 
صحبتك هتعب بعد كده في حياتها بدال كل حاجه بتجلها هتفتكر أن ده الطبيعي وهتصدم قدام 
باختصار والدك هتلقيه مقدم ليكي اللي يقدر عليه واكتر كمان

Banana_61694 🇪🇬 · Answer

قولي دايما الحمدلله ي حببتي ومتخليش كلام يأثر فيكي نك مترضيش باللي نتي فيه او يغير فيكي حاجه 
خليكي فرحانه بعدين اهم حاجه ن اهلك تكون علاقتك معاهم كويسه ده بالدنيا وما فيها الفلوس ش كل حاجه

Strawberry_25620 🇪🇬 · Answer

صدقيني هيا اللي عندها نقص مش انتي 😂سيبيها والله لو عايزه ترتاحي نفسيا امثالها ميتصاحبوش ، خليكي في دايرة ناس شبعانه دي ياعيني ناقصه ومش عارفه تطلع النقص ده ازاي ف مافيش في ايديها حاجه غير الفلوس .. ولو لسه مسمياها صاحبتك ف هيا مش صاحبتك لان في موقف بسيط قعدت تضحك ف اللي هوا نعم خير اومال اسمك صاحبتي ليه؟؟🙂

Avocado_60231 🇪🇬 · Answer

قولي الحمدلله دايما والله انتي حالك احسن من غيرك في و مفيش حد كامل ممكن هي تكون مستواها المادي كويس بس علاقتها ب اهلها مش كويسه و ممكن يكون مستواها التعليمي مش احسن حاجه و افتكري ان ده اختيار ربنا ليكي انك لو كنتي مكانها كان ممكن تفتري علي الناس او تطغي عليهم و اشكري ربنا علي نعم انتي مش شيفاها ف حياتك انا فاهم قصدك كويس و زمان كنت بقول كدا علي ولاد خالي ان هما عندهم كل حاجه و اشمعنا انا بس لما

Avocado_60231 🇪🇬 · Answer

بصيت للموضوع بشكل تاني لقيت ان ربنا اداني نعم اكتر من الي عندهم مش مستوي اجتماعي ولا كل الهبل ده اداني حاجه اكبر ف متخليش حاجه بسيطه لا تذكر تخليكي تحسي ب التقصير

Cherry_59482 🇪🇬 · Answer

الحمد لله انك بصحتك ومتزعليش نفسك  ونصيحتي صحبي الي مستواك متعتبريهاش صاحبه اعتبرها زميلتي معرفه من معارفك في يوم ممكن تحتاجي خدمه اكتر من كده لا متحكيش اسرار بلاش ولو علي الخروج تعملي حسابك زيك زيها بمعني زى ما هتصرف تصرفي واتبسطي مرة في الشهر مش مشكله ليه بقي كده باقولك لأن عن تجربه الي اعلي منى مسيرة يحس انى أقل منه وهيستصغرني وانا هاحس إن مش قادرة اجاريه في الفلوس الي بيصرفها وتفكيرة حتى

Coconut_61573 🇪🇬 · Answer

الله واعلم قبل اي حاجه بس في ناس بتغذي غرورها عن طريق انها تتكلم وحش ع مشكله بسيطه قدام حد فنتي متكونيش سبب فكدا حاولي ولا تتكلمي عن نفسك كتير حلو ولا كتير وحش وهي مش هتعرف تتكلم بنفس الطريقه وركزي مع نفسك اكتر لانها ممكن بردوا من كتر مشاكلها بتحاول تبين انها مبسوطه في صوره فلوس

Mango_29955 🇪🇬 · Answer

متخليش غنا ابو صحبتك يبصصك على والدك انه مش معيشكم ممكن دي ظروفه ومقدرته متضغطيهوش قولي الحمد لله على اللي انت فيه وادعيله ربنا يوسع رزقه

Apple_62129 🇪🇬 · Answer

ربك كبير و الفلوس مش كل حاجه

Strawberry_36093 🇪🇬 · Answer

انا شايف الانت بتحكيه عنها دى ميخلكيش تبقى قنوعه وله لا بحياتك دى يخليكى تعرفى ان دى متنفعش تبقى صاحبه ليكى ابداا انت لازم تبقى مع ال شبهك مش قصدى فى الحاله الماديه لا يبقى فى الطبع تطبطب عليكى لما تبقى زعلانه تفرحلك لما تلقيكى فرحانه امال دىنصيحه منى ابعدى عنها عشان كنت مصاحب حد شبها واسريحت لما بعدت عنه ولقيت ناس شبهى فلا بتحبنى وبتحب ليا الخير وبيوسونى لما ازعل،ف ابعدى احسن

Lemon_55687 🇪🇬 · Answer

حاضر ان شاء الله ❤️تسلمي

Lemon_55687 🇪🇬 · Answer

كل كلمه قلتيها صح وانتي اكدتيلي كلام كان في دماغي بجد 
دي حتى لما بجيب حاجه او كدا تقولي دا انا برميها 
واكتر من حد نصحني ابعد عنها فتسلمي يا حبيبتي❤️

Lemon_55687 🇪🇬 · Answer

الحمد لله رب العالمين الدنيا فانيه واهم حاجه الاخره ورضا ربنا  هي الي كانت بتستفزني وتخليني اعمل كدا بجد

Lemon_55687 🇪🇬 · Answer

مش هحكي لها على حاجه تاني ان شاء الله ومش هتاثر بكلامها ومش هخليها تحسسني بكدا ابدا تسلمي بجد كلامك صح

Lemon_55687 🇪🇬 · Answer

انت صح بجد الحل اني متكلمش معاها ولا اناثر بكلامها

Lemon_55687 🇪🇬 · Answer

الحمد لله ربنا يرزقنا جميعا ويرضينا

Lemon_55687 🇪🇬 · Answer

الحمد لله المهم رضا ربنا

Lemon_55687 🇪🇬 · Answer

حبيبتي انتي جميله جدا والله فعلا هي الي خلتني شايلالها المشاعر دي بتصرفاتها وتنظيرها عليا اغلب الوقت

Cherry_59482 🇪🇬 · Answer

صح كده حاولي انت تختاري الي يحسسك بقيمتك ودائما تبقي عاليا في اي جلسة أصحابه برايك وكلامك وحضورك وععلي فكرة في ناس عاليه في الفلوس لكن نفسها قليله صحبتك منهم ده طبع في بعض الناس فاكر الناس هتحسده وأوقات بيتحول  لمرض أن نعلي علي بعض في المشاكل والهموم مين مشكلته اصعب

Strawberry_25620 🇪🇬 · Answer

ربنا يعوضك خير منها بناس شبعانه ونضيفه شبهك 🩷

Avocado_60231 🇪🇬 · Answer

خلاص يبقا نحط حدود للعلاقة