مشكلتي مع الكلام عن اللي بضايقني وضغط حياتي

Question

يشباب هو انا عندي مشكلة اني مبتكلمش مع حد عن الحاجات اللي بتضايقني بحس اني هبان ضعيف او شكاي مع اني عارف ان دا غالبا مش اللي هيحصل بس يعني انا كنت كتبت رسالة كبيرة بس بعديها مسحتها الفكرة اني بحس بضغط فقلبي لما اكون عاوز اتكلم فلحاجات دي حاجة كدا جوايا مخلياني محبش اتكلم والفكرة اني عارف ان دا غلط لان انا بفكر كتير فحاجات بتضغطني ومبتكلمش فيها مع حد ودا بيتعبني مع الوقت وفكرت اروح لدكتور حتي ومحكتش لحد عاوز اروح لوحدي  بس الفكرة اني مش عارف دايما بفكر ان الدكتور هيبقي شايف قدامه شخص منهار او واحد تافه وكدا مع اني متأكد ان دا مش هيحصل وان دا شغله  بس دايما بحس بضيقة فقلبي لما افكر فالموضوع دا وبعدين انا من كتر تفكيري فحاجات اللي بتضغطني دايما بقت دماغي توجعني وجع جامد مش صداع بس وجع دا اللي اقدر اوصفه ووصلت لمرحلة ان التفكير  ذات نفسة بيوجعلي دماغي والوجع دا صعب جدا الصراحة بيوصلني اني اضغط علي دماغي جامد عشان يخف شوية

Coffee_69082 🇪🇬 · Answer

طبيعي للانسان لازم يشارك افكاره مع غيره وخصوصا لو كانت الافكار دي بتضغطه او بتوتره طب ايه الحل دلوقتي لازم تعود نفسك ان انت تحكي انت محتاج مساحه امنه تتكلم فيها مع احد الاشخاص بدون ما يحكم عليك فلازم تختار الشخص المناسب وتحكي له مره عشان تتعود بعد كده لانك لو اخترت الشخص الغلط هيزود الموضوع عندك ولو انت لسه مش لاقي الشخص ده ممكن تشوف ثيرابست او معالج بحيث يوفرلك لك المساحه الامنه للكلام

Coffee_71029 🇪🇬 · Answer

هي الفكرة ان بتجيلي افكار كتير جدا مش قادر اتحكم فيها وبتبقي كلها افكار سلبيه او بتضغطني وانا بيحصلي دا طول اليوم لو مش بعمل حاجة وبكلم نفسي فدماغي علطول وانا من كتر تفكيري علطول مبقتش عارف المشكلة فين بقيت تايه وخلاص  ف عاوز اروح لدكتور بس مش عارف هروح هقوله ايه وهو هيتعامل ازاي لدرجة اني اتخيلت السيناريو دا مش اقل من 300 مره فدماغي ومش عارف حاسس اني هروح مش هعرف اتكلم عن اي حاجة او اوصفها