.png)
Orange_46122 🇪🇬
منذ أسبوع واحد
.
شعور متعب
بصراحة دي مشكلة كبيرة بتتعبني جدًا أنا أصلًا مش بعرف أطلع مشاعري خالص وده مأثر عليا بطريقة صعبة كتير بكون مش قادرة ومخنوقة وحاسة إن كل حاجة جاية عليّا، ومع كده بحس إني لازم أفضل اللجامدة اللي ما بتتهزش اللي دايمًا بتضحك وبتتعامل كأنها تمام مش بعرف أعيّط قدام حد ولو حصل بالصدفة بحس بإحساس صعب جدًا كإني عملت حاجة عيب أو فيها ضعف مع الوقت دموعي بقت متحجرة بحس بيها جوا عيني نفسي تنزل بس مش بتنزل حتى مشاعري تجاه الناس زي الحب أو التقدير صعب جدًا أعبر عنها ولو حد عبّرلي عن مشاعره بتوتر جدًا وبحس إن عقلي مش قادر يستوعب هو بيقول إيه فبتصرف بطريقة عكس اللي حاساه وده بيخلّي اللي قدامي يفهمني غلط أقرب مثال على ده مع إخواتي ساعات ببقى حاسة بحاجة وبتكلم بحاجة تانية خالص جوايا وجهات نظر ومشاعر وكلام كتير بس اللي بيطلع مني بيبقى مختلف تمامًا بحس إني شخصين واحدة جوايا حقيقيةوالتانية بتتصرف على حسب الناس أو الموقف وساعات حتى اللي بقوله مش رأيي ولا مقتنعة بيه بس بقوله لأني مش بعرف أعبّر عن اللي جوايا بوضوح
10
3
.png)
