كنت بحكي لأمي ع حد من صحابي والكلام جاب بعضه ف بقولها انا معرفش فلانه دي خطوبتها ولا لا احنا مش بنتكلم وهي رنت عليا كام مرة ومرديتش عليها قالتلي لي كده وبتاع وبعدين بتسألني ع واحده تانيه ف قولتلها مبكلمهاش برضو واخر مره كانت بعتالي مسدچات ع الواتس ومرديتش لدلوقت ف قالتلي انتي متتعاشريش وبياعه زي بهزار بس هي مش كده بقولها ي ماما والله هما ليهم مواقف وحشه معايا عشان كده مش عايزة اكلم حد فيهم قالتلي لا انتي قلابه اذا كان بتقلبي ع امك وبتاخدي جمب مني ساعات !! كل ده عشان انا فعلا لما ازعل من حد مبعرفش اواجه واقول ي فلان انت غلطت ف كذا وكذا لا باخد جمب لمدة وبعدين برجع اتعامل طبيعي كأن مفيش حاجه عارفة ان ده غلط جدا بس بجد مبعرفش اواجه بفضل اراكم لحد م بيبقي خلاص ولو الشخص ده مش حد بتعامل معاه بشكل متكرر بقطع معاه خالص . بقيت بتعامل مع الناس علي انهم فترات يعني فلانه عرفتها ف مرحله معينه من حياتي والمرحله دي خلصت خلاص وفرص اننا نتقابل وش ل وش بقت شبه معدومه وهي عامله معايا مواقف مأثرة ف نفسيتي يبقي بعد المرحله دي متخلص اقطع معاها واختفي خالص. وكمان انا مبعرفش احكي لحد سواء صحابي او عيلتي اي حاجه بتحصل ف حياتي عموما ولو حد عمل معايا موقف وحش بتكسف اقول كأن انا السبب ف ان الشخص ده عمل كده مش هو كأن هما هينتقدوني انا مش الشخص اللي عمل ف حقي كده فاهمني ؟ عارفه اني طولت عليكم بس الموضوع ده عاملي ازمة ف حياتي ومخلي كل الناس تشوفني بياعه ده غير الضغط النفسي من كتمان كل حاجه جوايا وبرجع اعيط ف الآخر واقول معنديش صحاب ومش عارفه اعمل ايه بجد تعبت مني

2

4