مشكلتي مع أول ارتباط وندم تركتها بتعيط

Question

ارتبط ببنت لهدف الارتباط كنت لسه مفركش مكملتش كام شهر و هي كانت طول عمعا صاحبتي من اقبل ما ارتبط اول مره اصلا 
قمت ارتبط بيها سنه و بعدين حسيت اني اتسرعت ومش قادر اشوفها غير صاحبتي 
ولحد دلوقتي بتبعتي فيسات بتعيط و بتلومني اني سيبتها المشكله انها كانت أول مره ترتبط ف صدمه كبيره عليها

Watermelon_66610 🇪🇬 · Accepted Answer

مبدأيا انت غلطت من الاول انك دخلت علاقه حرام واهم حاجه تتعلم من غلطك
ثانيا اعتذر ليها لو انت فعلا اذيتها عشان انت اخدت خطوه سريعه خليتك تكسر مشاعر بني ادم اعتذر ليها وفهمها واصل لو كملتوا مش هتنسى و هتتأذي ولو بعدتوا بردو نفس الفكره هي مش ناضجه وانت لعبت بمشاعرها فدا كل الحوار

Ice Cream_63106 🇪🇬 · Answer

انت توكسيك اقسم بالله
+عشان كده ربنا حرم الصحوبية بين الولاد والبنات في الدين
اصلا مش منطقي ولد وبنت يكونوا صحاب بس ومش يفكروا في بعض
حاول تقرب من ربنا وابعد عنها وخليها في حالها بقا كفايه اللي انت عملته

Apple_57874 🇪🇬 · Answer

هو ايه اللي توكسيك و عملت ايه اتنين ارتبطو ببعض ومع الوقت لاقيت اننا مش نافعين قولتلها بكل صراحه و وضوح مهربتش مثلا ولا عاملتها وحش زي اى اتنين اتخطبو و مكملوش و من ناحيه الحرام ف ماشي معاكي حق طبعا و عشان كده قررت اني مش هرتبط تاني ولو ناوي يبقى ف الحلال علطول

Ice Cream_63106 🇪🇬 · Answer

ايوه الحلال من الاول هو الصح طبعا
لكن انت مش شايف نفسك غلطان؟
يعني انت علقتها حرفيا و خليتها تحبك وبعد كده اكتشفت انكم مش مناسبين لبعض فجأة
على العموم اصلا العلاقة مش صح من البداية

Apple_57874 🇪🇬 · Answer

والله ما علقتها ولا حاجه هي لما ارتبطنا قالتلي انها كانت معجبه بيا اصلا بس مكنتش بتتكلم عشان كنت مرتبط و هي كانت رافضه المبدا ده من الاول