بصو بقي علشان انا دماغي بقت قد البطيخة من كتر التفكير انا لسة في جامعة ماشي و اول ما دخلت مكانش في دماغي حوار الارتباط ده خالص بس حصل مشكلة كدة و اتعرفت علي واحد صدفة و ارتبطنا بقي هو كويس و بيحبني جدا وانا برضو بحبه بس الفكرة اننا لسة صغيرين يعني علشان يكون بينا فيه حاحة رسمي لسة ع الاقل 4 او 5 سنين ده غير ان هو اموره في الكلية مش احسن حاجة و احتمال يتخرج ترم او سنه متاخر عني (احنا قد بعض) ده غير ان حصل فيه تجاوزات في الكلام ف انا بجد نفسيتي مدمرة و مش قادرة اتخطي الموضوع ده و مش عاوزة ابقي بعمل حاجة من ورا اهلي او في الحرام بس بحبه و هو برضو و عمري ما شكيت في ده ف هل فيه امل ولا ابعد بجد مش عارفه اسمع قلب ولا عقلي سوري ع الاطالة

0

8