جماعة أنا عندي مشكلة 😞 اخويا و ماما متخانقين جامد و مبيتكلموش داخلين في اسبوع ، و شهادة حق أخويا قايم بكل حاجات البيت الي بره و مبيرضاش ان احنا -كبنات- نتشحطط بره او نشيل اكياس او هكذا هو الاخ الوحيد بين بنتين و بابايا مسافر ف يعتبر اغلب الحاجات الي بره هو الي بيعملها المهم ان ماما بتعامل الكبير احسن الي هي اختي ، بتميزها عني انا و اخويا في اغلب الحاجات ، و خصوصا الفترة الي فاتت الموضوع بدأ يزيد جامد و اخويا شايف انه كدا ظلم و ان انا الولد الي بتعب بره يعني مفروض انا الي اتميز! ، او حتى نُعامل كلنا بنفس المعامله ، المهم هو بقا شايل ايده تماما من الحاجات الي بره و كدا و ماما هي الي بتعمل كل حاجة حرفيا و كلمتها قبل كدا مرتين و في كل مرة بتبقا متأثرة جامد انه ازاي يعمل حاجة زي كدا و في مرة عيطت و بتقول ان نفسيتها زعلانة منه جامد في نفس الوقت رحت كلمته و هو كمان زعلان بس الزعل جاي بغضب شديد و مش طايق لحد كلمة حرفيا و طول اليوم خناق بينه و بين ماما يا ريت لو حد عارف اتصرف ازاي او اعمل ايه او عارف دماغ الولاد يا ريت ينصحني

2

1