دلوقتي احنا أسره مكونة من خمس أفراد هعرض عليكم المشكله لأني لسه معنديش خبرة اني احكم في حياة الكبار دي انا طالبة عندي ٢١ سنه و عايشه مع اهلي الحمدلله المشكله في ابويا اللي تقريبا مع الوقت محدش فاهم هو في ايه في اول جوازه كان بيحب ماما جدا و بيحبني لأني اول طفلة و بيهتم بيا و ده شئ طبيعي هو فضل كده دايما مع اخواتي حتي بس بقاله تقريبا آخر سنه او سنتين من حياتنا مبقاش كده مبقاش يتكلم و مبقاش شايف اننا كويسين الناس كلها بتحلف بشطارتي و تربيتي انا و اخواتي و بيقولوا دايما احمد ربنا علي مراتك انها محافظه علي بيتك و عايزه عيالها كويسين دايما و هو مش شايف ده شايف ان مجرد عشان بحكي لماما و ده طبيعي اني البنت بتحكي لامها حاجات مينفعش تتقال لابوها شايف اني كده مش صح و بيتضايق من كلامي مع ماما و دايما لو لقانا بنتكلم كتير يطلب منها اي حاجة او يقولي قومي ذاكري المهم يقطع كلامنا معرفش فين الغلط في كده و مفيش سبب مبرر لده ده غير انه بقي يفترض دايما النية السيئة في اي حاجة و يبص لاي موضوع بشكل سلبي مبقاش زي الاول يقعد و يسمع و يفهم و نقعد علي الأكل نتغدي و نتكلم كلنا و هو ساكت حتي لو بنتكلم معاه هو بيرد بماشي او طيب مبقاش بيتكلم و سألناه مليون مره لو حاجة مضايقه او احنا طيب عملنا حاجة تزعله و اعتذرنا بسبب و منغير سبب و محدش فاهم هو حصل ايه و ليه دايما في عالم لوحده مع التليفزيون او التليفون و لو اتكلم بيتخانق و مش عاجبه حاجة و ماما حاولت كذا مره تقعد تكلمه و تحاول تفهم في ايه كان الرد بيبقي مفيش حاجة انا كويس آهو أنا مش فاهمه هو ليه بقي كده و ليه مش شايفنا كويسين و ليه مبقاش يتكلم و المشكله انه ده بقي يخلي دوره مش فعال في البيت زي الاول مجرد بنعرفه رايحين فين و جايين منين دايما ساكت و دايما بيفكر في اي موضوع زياده عن اللزوم و يفترض الاسوء انا مش فاهمه ازاي نرجع بيت هادي مترابط كله حب زي الاول و ده ممكن يكون سببه ايه لان لما سألنا مكنش في اي إجابه و تقريبا فقدنا الأمل انه يتغير زي ما مكان و اسفه علي الاطاله

5

6