مشتته وضايعه ومش عارفه اعمل ايه في مشكلتي الدراسية

Question

لو ظروفي المادية متسمحش اني اقدم في الكلية السنة دي والدراسة خلاص بعد 5 ايام استنى للسنة الجاية ولا هندم اني عملت كده وضيعت على نفسي سنة من عمري وكل دفعتي سبقوني ولا ممكن الظروف تتحسن بس خلاص مش باقي اي وقت انا معنديش حل بس حبيت اشارك اللي جوايا لاني حاسه اني ضايعه ومشتته وزعلانه على نفسي

Corn_73156 🇪🇬 · Accepted Answer

بحسها حلوة جدآ و متعارف عالموضوع بره أصلآ و ناس كتير بتاخد سنة تحدد عايزة أيه بالظبط و تطور من نفسها بس أهم حاجة أستغليها صح و طوري من نفسك و جربي حاجات جديدة عشان تعرفي نفسك أكتر و المناسب ليها

Sugar_76256 🇪🇬 · Answer

حكومى ولا خاص

Marshmallow_34336 🇪🇬 · Answer

حكومي

Sugar_76256 🇪🇬 · Answer

قدمى المصاريف مبتبقاش كبيره وان شاء الله خير

Blueberry_76584 🇪🇬 · Answer

علي فكره عادي جدا و عن تجربه شئ مايقللش منك بل هي نقطه قوه قدام نفسك و التعليم ده شئ بيتضيفه لنفسك و كمان التعليم عندنا مش افضل حاجه بل بالعكس احنا بنعمل ده عشان نكون زينا زي غيرنا فا صدقيني او صدقني انت قرارك صح و الافضل انه شجاع و من جواك و صدق روحك و قرارتك عشان انت تستاهل الحلو دايما و مش كل اللي سبقوك هيبقوا احسن بالعكس انت ممكن قرارك ده يبقي لحياتك افضل من قرارهم دلوقتي

Carrot_73142 🇪🇬 · Answer

لو خاص فانصحك ما تكمليش في الكلية اصلا
بما ان دا حال اول سنة ومتكونيش عبء علي اهلك
لو حكومي فميفهاش مشكلة تقعدي سنة بس ان شاء الله ربنا يفتحها عليكي والمصاريف ان شاء الله مش هتكون بالمبلغ دا حتي في كليات بتسمح ان المصاريف تتأجل او تاخد دعم علي المصاريف

Marshmallow_34336 🇪🇬 · Answer

لا مش خاص هي حكومي وان شاء الله خير ممكن يحصل حاجة تغير الامور في الكام يوم دول ادعيلي

Apple_76701 🇪🇬 · Answer

بصي قدمي وسيبيها على الله هتدبر المصاريف متبقاش رقم كبير أولا ثانيا ممكن تدفع قسطين ثالثا ممكن تعملي حاجه اسمها بحث اجتماعي وده بيشيل جزء كبير من المصاريف اللي عليكي