تعبانه جدا ومضغوطه نفسيا وعايزة أروح لدكتور

Coconut_73870 🇪🇬

منذ يوم واحد

شعور مرهق

معرفش هو الآب اللي كائبني ولا انا بجد اللي مشاكلي مش بتتحل.. مشكلتي ان اكبر مصدر لراحتي و راحة بالي راحت وفارقتني .. دايما بحس إن ربنا بيبعتلي رسايل اني لازم اصبر و ارضى بكل وحش دايما متأثرة باللي بيحصل في أهل غزة ده بيزيد من حزني و في نفس الوقت بقول لنفسي لازم اتهذب قدام اختبارات وابتلاءات الله زي ما هما صابرين بس انا تعبانه جداااا والله لدرجة اني وانا قاعده قلت لمراهقين اعرفهم انا عايزة اروح لدكتور نفساني من كتر ما انا مضغوطه من بعد شهور سكوت .. كل شويه بكتب هنا على اللي انا حساه يمكن اهدى أو الاقي حلول بس كل يوم الموضوع بيبقى اصعب و لان لو أمي كانت موجوده مكنتش شيلت في قلبي ولا كنت سكت ولا كنت حملت على نفسي لدرجة اني جسديا اتضرر .. مش عارفه اعمل ايه بس والله بكتب الكلام ووشي منمل و بيوجعني

شاب ضاع منه 19 سنة في شغل بدون مستقرار.. محتاج نصايح

صباح الخير انا اول مره احتاج نصايح الناس فعلا لاني عايش طول عمري لوحدي انا شاب عندي ٢٥ سنه ضيعت من عمري ١٩ سنه في شغلانه مفيهاش استقرار و في اي لحظه اول لما الشغل يقل صاحب الشغل بيمشيك في ثانيه و تلاقي نفسك في الشارع الوضع دا بيحص معايه من و انا عندي ٦ سنين انا مدخلتش مدرسه ابويه رماني في الشغلانه دي و مصرفش عاليه جنيه انا بقالي ١٥ سنه مبكلش في بيت ابويا و امي رغم اني عايش معاهم ١٥ سنه انا معرفش الاكل البيتي دا طعمه عامل ازي رغم انا بقرف من اكل الشارع اكلي من الشارع طول الوقت بيصرف معايه كتير اوي من زمان و دا خلاني مقدرتش احوش ربع جنيه اشتغل مثلا اجمع ٣٠٠٠ جنيه بعدي عن مصاريفي يحصل مشكله في الشغل الشغل يهدي القي نفسي عمال ادور علي مكان تاني زي المجنون و خايف فلوسي تخلص كمان انا اهلي عايشين بس عايزني اكون عبد ليهم و محدش بيفكر فيا ولا في مستقبلي ابويا عنده ٥٠ سنه و معندهوش شقه ابويا خلي اخواتي الصغيرين ضهري و سندي بقو يكرهوني تقريبا سنه و ٩ شهور مفيش حد من اخواتي قلي السلام عليكم رغم اننا عايشين في نفس البيت كلنا امي بتعملهم احسن مني مليون مره و تحطلهم الاكل و اهتمام و كل انواع الحنيه لاكن انا لا عشان ابويه زرع فيهم من زمان اني ابن عاق عشان مش بدي ابويا فلوسي كلها اللي بشتغل بيها و مش مهم انا بقا ولا مستقبلي ولا انا ليا لازمه اصلا بنسباله انا رايح دلوقتي اخد هدومي من الشغل علشان لما المصلحه خلصت رمولي هدوم الشغل علي باب المصنع بمنتهي قله الزوق انا حاسس بكسره نفس جامده اوي انا طول عمري بحرم نفسي من الاكل علشان احوش و اشتري شقه و اتجوز لاكن علشان شغلنتي مفيهاش استقرار مقدرتش ١٩ سنه ضاعو من عمري علي الفاضي و للاسف مش بعرف اعمل حاجه غير الشغلانه دي نفسي اسيب الشغلانه دي تعبتني نفسيه و دمرت حياتي و احلي سنين عمري بتضيع و انا واقف مش قادر اعمل حاجه ولا معايه شهاده ولا زفت اشتغل بيها ولا معايه شهاده جيش حتا خوفت اخش الجيش عشان لو دخلت الجيش مش هعرف اصرف علي نفسي نفسي في معجزه تغير حياتي نفسي اعيش زي الناس نفسي اعيش عادي اقل من العادي كمام مش عارف و بصلي الخمس فروض الحمد لله و بحب ديني جدا بس انا عندي ابتلأت كتير جدا مش قادر اتعامل معاها انا محتاج نصايح الناس الاكبر مني تقولي اعمل اي عشان بجد انا مليش حد اتكلم معاه و حقكو عالي راسي اني طولت عليكم ...عرض المزيد

5 الدعم

4 نصيحة

حياتي صعبة وبحتاج نصيحة وكلام كتير

جماعة أنا عارفة ان ربنا ارحم الراحمين وأعدل العادلين ولا يكلف نفسا إلا وسعها وان مع العسر يسرا وان تعدوا نعمة الله لا تحصوها وكل ابتلاء فيه نعمة مخفية سواء احنا أدركنا ولا لا ومش كل حاجة زي اللي شايفينها وتلك الايام نداولها بين الناس بس احيانا كتيرة بتيجي لي لحظات ضعف وبقع بقع لما الاقي نفسي من اول ما نزلت الكرة الأرضية وانا تعرضت لنقص أكسجين موثر عليه مخلي حياتي اصعب الناس بيتنمروا عليه ويبعدوا عني وحياتي نفسها فيها صعوبات غصبا عني ببص للناس وبقول ليه ماكنش زيهم معنديش ابتلاءات وحياتي سهلة أنا ابتلاءات مع حياة صعبة الف حمد وشكر ليك يارب بس نفسي اعيش حياة طبيعية تبقي محبوبة مش متعاطف معايا اتعامل عادي مش معاملة مختلفة عايزة نصيحة وكلام كتير علي قد ما تقدروا مبقتش قادرة اصبر بشوف اللي حواليا دايما حياتهم اسهل مني ...عرض المزيد

2 الدعم

4 نصيحة