انا اتعرفت ع حد من علي النت في فترة كنت بعيدة فيها عن ربنا وبدانا نتكلم ونتعرف علي بعض اكتر وهو حابب يتقدملي بس انا في حجات مش مريحاني كل فترة كدة بتظهر حاجة مش بتريحني مثلا انه شايف ان مفيش حد زيه وانه مش بيغلط ابدا حاولت كتير افهمه انه عادي احنا بشر وبنغلط بس مفيش فايدة.... كمان كان بيحكيلي عن البنت اللي كان بيحبها وانها خذلته وكدة وفي يوم قالي انها اتخطبت وانه قعد يعيط وانا قعدت اقوله تعيط لي هي حد مش مهم بالنسبالك يقولي انها مش مهمة فعلا بس هو متضايق علي نفسه وعلي اللي هي عملته فيه.... رجع تاني اتكلم عن انه لما كان في الجامعة كان بيعمل حجات غلط وعلاقات مع بنات جسديا وكدة وقالي كل التفاصيل.... بيقعد ديما يقولي انه مر وعمل حجات كتير وحشة بس انتي شايفك حد نضيف ينفع اكمل معاه واتجوزه... مع انه كل شوية يقولي انه مش بيحس بحاجة ومعندوش مشاعر ومحدش يقدر يضايقه فبقوله مش بتحس امال بتحبني ازاي قالي عادي بحبك وعاوز تبقي معايا ويتوه في الكلام يقولي بحبك وبخاف عليكي وكلام من دا... بيحكيلي كل تفاصيل يومه وكل دا بس مش بحس الاهتمام منه ولما قولتله قالي انه هو دا الاهتمام بتاعه مش لازم يقول كلام حلو المهم انه حنبي ولما احتاجه الاقيه.... ديما لما بنتخانق بيقلب الترابيزة عليا ويطلعني غلطانة وعمره ما يعترف بغلطه واتاسفله بس مش بيتراضا بسهولة.... كمان عندي مشكلة انه بعيد عن ربنا ودي كانت حاجة مهمة بالنسبالي... بحس مع الوقت بقيت زيه وبتعامل زيه اللي هو مش بعبر وبكون باردة وكدة عشان منتخانقش كل شوية.... عاوزة ابعد بس خايفة انه يفهم اني كنت بلعب مثلا عشان احنا متفقين من زمان هيتقدملي لما اخلص امتحانات واديني خلصت وخايفة يفتح الموضوع ويجي عشان هكون مش مرتاحة مش عارفة اكلمه ازاي لان لو قولتله اللي جوايا هيطلع نفسه ضحية واني انسانة وحشة وبلعب بس... دعيت ربنا كتير اوي انه يبعد عني من نفسه كدة انا اه بحبه وبحس اني عوزاه بس برجع اقول لنفسي انه مش زي تفكيري ابدا مش عارفة اعمل اي

6

52