تعبت من المضايقات فى المدرسه ومش عارفه أرد

Question

بقي بيحصلي مشاكل كتير ف المدرسه وكل يوم بكون مش عايزه اليوم الي بعدو يجي عشان محضرش وبكون مش عارفه اغيب عشان الدرجات وكل يوم بروح المدرسه بفضل اعيط ف حمام المدرسه وبكون تعبانه بس انا معنديش صخاب و ولا حد بيحبني وساعات بيبعدو عني ولو واحده بتكرهني هتكره الباقي فيا حسيت احساس وحش اوي مع اني ف حالي وماليش دعوه ب حد ف المدرسه بس ساعات بيجو يدايقوني من غير سبب شايفين انهم كده روشين مثلا الفكره الي مش بعرف اخد خقي منهم ولا ارد علي اي حد بيدايقني مش عارفه اتصرف بحسني ضعيفه ازي وسطهم

Coffee_28529 🇪🇬 · Accepted Answer

ادي لحد فيهم علي دماغه و الباقي مش هيجي جنبك تاني حرفيا

Coffee_29600 🇯🇴 · Answer

الحل انك كل ما يتعرضوا لك تعامليهم وكأنهم مش موجودين ، كوني واثقة من نفسك و لما تكلميهم بصي في عنيهم ، مهم جدا التواصل البصري ، خلي عنيكي فيهم حزم و ثقة و خليكي هجومية ، دول بيستقووا عليكي ، ما تخليش حد يأثر عليكي 
أنت حلوة وتستحقي التقدير ، 
ما تكونيش لطيفة زيادة عن اللزوم لانه أغلبهم ما بيستحقوش

Coffee_29613 🇪🇬 · Answer

خليكي دايما حاطه المعلومه دي في بالك. محدش بيكرهك الا لو انتي كارهه نفسك. لو زودتي ثقتك في نفسك ساعتها كلامهم ولا هيكون ليه اي معني. 
تاني مره حد يتعرضلك او يتنمر عليكي بقي في عينه كويس واساليه بكل هدوء ( انت كويس النهارده ؟ ) وامشي كملي يومك ولا كان حاجه حصلت بكل ابتسامه وهدوء صدقيني دي كفيله تخلي دماغه تلف من عدم توقع ردة فعلك

وشوفي النتيجه وادعيلي

Sugar_29555 🇪🇬 · Answer

ابعدي عن اي حد واللي يدايقك متغلطيش فيه عشان هتطلعي انتي الغلطانة ف الآخر 
كلمي اي مستر او مس عندك ف المدرسة يكون متفهم واحكيلو عن اللي بيحصل بحيث انو يكون في حد معاكي او بعرف اللي بيحصلك
و ف نفس الوقت متحسسيش حد ابدا انك ضعيفة لأن دا اللي بيخليهم دايما يجو عليكي

Biscuit_29511 🇪🇬 · Answer

ركزي في مذاكرتك وكوني قويه والبنات لما بيشوفوا بنت شاطره وقويه بيكونوا عايزين يقربوا منها ويصاحبوها وقتها بقا يبقا اختاري مين اللي تستحق انها تكون صحبتك ومين لا وحتي لو مفيش صحاب المهم انك تكوني قويه وواثقه من نفسك لأن الثقه مهمه والأهم من كل دا دراستك ومستقبلك خليكي حاطه هدف قدامك واسعي علشان يتحقق ومتشغليش دماغك بالبنات اللي بتتكلم عليكي

Biscuit_29511 🇪🇬 · Answer

وكوني متاكده أن البنت لما بتشوف بنت تانيه احسن منها بتغير منها وبتكون عايزه تحطمها فمتسيبيش لحد فرصه انو يكسرك أن يخليكي تعيطي ومتعيطيش في الحمام تاني لانو غلط ولما تكوني مخنوقه اشتكي لربنا

Chocolate_29604 🇪🇬 · Answer

بصي دلوقتي للاسف التنمر ظاهرة للاسف معتمدة علي مدار السنين يعني مش عيزاكي تحسي ان الكون جاي عليكي او انك ضحيه للبيحصل طلعي نفسك من دائرة اني مش بعرف ارد مش بقولك كوني وحشيه زيهم بقولك خلي اخلاقك ترفعك و دا بجد اسمي درجات الذكاء الاجتماعي اتمني تقدري تتخطي الفترة الصعبه دي بدون خسائر كتير و بدون ما تتهز ثقتك بنفسك و بشكلك الخارجي

Blueberry_29593 🇪🇬 · Answer

هحاول اغير من شخصيتي شويه واحاول اتجنب اي حاجه تحصلي منهم واخلي ثقتي ف نفسي تزيد شويه شكرا جدا بجد

Blueberry_29593 🇪🇬 · Answer

حاضر بجد لو حصل حاجه تاني هعمل كده اكيد

Blueberry_29593 🇪🇬 · Answer

حكيت لميس عندي ف المدرسه وفهمتها كل حاجه بس هي قالتلي ابعدي عن اي حاجه بتحصل وان شاء الله هما مش هيجو جمبك تاني

Blueberry_29593 🇪🇬 · Answer

مش بحب فكره ان حد يطلع عليا كلام من غير سبب ويروح ينقلو فكره بس ان حد بيتكلم عليا وحش بتدايقني جدا

Blueberry_29593 🇪🇬 · Answer

حسيت لمره ان المشكله فيا انا طلامه كذه حد شايفني وحشه ولما حكيت للمس ف المدرسه قالتلي اوعي تفكري كده مش شرط ان حد مش بيحبك او شايفك بطريقه غير الي انتي شايفه نفسك بيها تكون المشكله فيكي انتي بس برضو مش بلاقي سبب لاسلوبهم الوحش دايما معايا