toheal logo

Strawberry_29593 🇪🇬's منشور

Strawberry_29593 🇪🇬

منذ 8 أشهر

.

شعور ضاق ذرعًا

بقي بيحصلي مشاكل كتير ف المدرسه وكل يوم بكون مش عايزه اليوم الي بعدو يجي عشان محضرش وبكون مش عارفه اغيب عشان الدرجات وكل يوم بروح المدرسه بفضل اعيط ف حمام المدرسه وبكون تعبانه بس انا معنديش صخاب و ولا حد بيحبني وساعات بيبعدو عني ولو واحده بتكرهني هتكره الباقي فيا حسيت احساس وحش اوي مع اني ف حالي وماليش دعوه ب حد ف المدرسه بس ساعات بيجو يدايقوني من غير سبب شايفين انهم كده روشين مثلا الفكره الي مش بعرف اخد خقي منهم ولا ارد علي اي حد بيدايقني مش عارفه اتصرف بحسني ضعيفه ازي وسطهم

9

12

Coffee_28529 🇪🇬

أفضل نصيحة

.

منذ 8 أشهر

ادي لحد فيهم علي دماغه و الباقي مش هيجي جنبك تاني حرفيا

12

0

Coffee_29600 🇯🇴

.

منذ 8 أشهر

الحل انك كل ما يتعرضوا لك تعامليهم وكأنهم مش موجودين ، كوني واثقة من نفسك و لما تكلميهم بصي في عنيهم ، مهم جدا التواصل البصري ، خلي عنيكي فيهم حزم و ثقة و خليكي هجومية ، دول بيستقووا عليكي ، ما تخليش حد يأثر عليكي أنت حلوة وتستحقي التقدير ، ما تكونيش لطيفة زيادة عن اللزوم لانه أغلبهم ما بيستحقوش

11

0

Coffee_29613 🇪🇬

.

منذ 8 أشهر

خليكي دايما حاطه المعلومه دي في بالك. محدش بيكرهك الا لو انتي كارهه نفسك. لو زودتي ثقتك في نفسك ساعتها كلامهم ولا هيكون ليه اي معني. تاني مره حد يتعرضلك او يتنمر عليكي بقي في عينه كويس واساليه بكل هدوء ( انت كويس النهارده ؟ ) وامشي كملي يومك ولا كان حاجه حصلت بكل ابتسامه وهدوء صدقيني دي كفيله تخلي دماغه تلف من عدم توقع ردة فعلك وشوفي النتيجه وادعيلي

10

0

Sugar_29555 🇪🇬

.

منذ 8 أشهر

ابعدي عن اي حد واللي يدايقك متغلطيش فيه عشان هتطلعي انتي الغلطانة ف الآخر كلمي اي مستر او مس عندك ف المدرسة يكون متفهم واحكيلو عن اللي بيحصل بحيث انو يكون في حد معاكي او بعرف اللي بيحصلك و ف نفس الوقت متحسسيش حد ابدا انك ضعيفة لأن دا اللي بيخليهم دايما يجو عليكي

10

0

Biscuit_29511 🇪🇬

.

منذ 8 أشهر

ركزي في مذاكرتك وكوني قويه والبنات لما بيشوفوا بنت شاطره وقويه بيكونوا عايزين يقربوا منها ويصاحبوها وقتها بقا يبقا اختاري مين اللي تستحق انها تكون صحبتك ومين لا وحتي لو مفيش صحاب المهم انك تكوني قويه وواثقه من نفسك لأن الثقه مهمه والأهم من كل دا دراستك ومستقبلك خليكي حاطه هدف قدامك واسعي علشان يتحقق ومتشغليش دماغك بالبنات اللي بتتكلم عليكي

10

0

Biscuit_29511 🇪🇬

.

منذ 8 أشهر

وكوني متاكده أن البنت لما بتشوف بنت تانيه احسن منها بتغير منها وبتكون عايزه تحطمها فمتسيبيش لحد فرصه انو يكسرك أن يخليكي تعيطي ومتعيطيش في الحمام تاني لانو غلط ولما تكوني مخنوقه اشتكي لربنا

10

0

التجربة أفضل عبر التطبيق

حمّل تطبيق توهيل على هاتفك لتجربة أسرع