سيبها بعد مشاكل غيرة وكلام مش مقتنع بيه

Question

كنت بحب واحده من وهيا في تالتة اعدادي لحد هيا في اولى كلية وداخله تانيه دلوقتي المهم كان بيحصل بينا مشاكل بسبب الغيرة كتير اوي وانا سبتها امبارح وعملت بلوك عشان هيا في جروبات مشتركة بين ولاد وبنات بس جروبات كورسات تعليميه وهيا بتقول مش مهتمه بيهم وكده وفي دماغها بس المحتوى وتخلصه وبس بس انا قولتلها بطريقة غير مباشرة اللى هو يانا يا الجروبات دي وقولتلها مش بطلب منك ماتتعلميش اتعلمي بس بعيد عن رجالة ف هيا كانت بتسال انت مش واثق فيا انت وانت وانت وقالت هما يومين وبس ومش هدخل تاني حاجه زي كده بس انا رفضت اكمل وعملت بلوك لان دي مش اول مرة تعمل حاجه زي كده
عارف الموضوع مش مستاهل بس انا بغير اوي والله وقولتلها ده كتير 
واسف لو طولت عليكم

Apple_65275 🇪🇬 · Accepted Answer

يخربيت كده دا انتي بتتكلم عني حرفيا بس الفرق ان لسه مسبتهاش

Sugar_64960 🇪🇬 · Answer

طيب اعمل ايه دلوقتي 
حتى لما قولتلها اني هبعد قالتلي تمام ربنا يوفقك بس مانكرش انها حاولت قبلها وكده ولما زهقت قالت كده بس برضو انا زعلت أنها قالتلي كده ف عملت بلوك وحلفت اني مش هفكه تاني

Watermelon_65497 🇪🇬 · Answer

الغيره المفرطة ده بتخرب بيوت لازم يكون في مساحة شخصية ولازم يكون في ثقه وحاول تتحكم في الغيره شويه لأن كده مش هتعرف تكمل ربنا يوفقك يا رب

Strawberry_65553 🇪🇬 · Answer

طيب شوف يا أخي البنت دي في حياتها لابد و لازم ح تتعامل مع أولاد و رجالة بس الموضوع بعتمد عليها و على ردة فعلها إتجاههم و إحترامها لنفسها أولاً ز حتى لو هم حاولوا يعملوا حاجة مش كويسة أو يبصوا عليها حتى أنت لازم تكون واثق فيها إنها واعية كفاية إنها قادرة تتصرف صح في الموقف ده و كده أنت حتكون متطمن إنها حتى لو في بيئة مختلطة قادرة تحفظ نفسها و قادرة تحفظك أنت في غيابك و لازم تحدد نوع غيرتك هل صحية؟!

Coffee_52272 🇪🇬 · Answer

هو انت اصلا مش من حقك تكلمها والي انتو فيه دا عك ببساطه

Coffee_52272 🇪🇬 · Answer

غيره ايه وبتاع ايه هو مفيش حاجه تربطهم ببعض اساسا !!!