انا طفلة جاز عليا عام متعب العام لي فات كونه كان عامي الأول بالجامعة و اول مرة تجيني فيه نوبات هلع لكن كانت تجيني بكثرة لكن بعدها نقصت اكيد بعدما كانت تجيني كل يوم تقريبا ، الآن راهي قليلة بزاف لكن راه عندي مشاكل تنفس بزاف راني ننقفل مارانيش باغية والديا يعرفو لانو بطريقة ما مانحبش الاهتمام تاعهم نحسه مزيف و من جهة أخرى مارانيش حابة نحس بالشفقة او نلعب دور الضحية و لكن من جهة أخرى التنفس راه سيء بزاف عندي و اي مجهود صغير نديرو نتعذب باش نرجع الانفاسي و مرات صدري يوجعني ماشي حابة نروح عند طبيب لانو لوكان تكون حاجة جدية راح تتطلب مني نقول لوالديا و لوكان نقوللهم راح يعاتبوني لانو ماقلتلهمش و راهي مخلطة عليا الصراحة و خايفة يرجعولي نوبات هلع لانو مين مانقدرش نتنفس نتبانيكا و نحس روحي مجيفة و مخنوقة و مع رجوع الدراسة راني خايفة هكا ننقفل في وسط الحصة او ناس تشوفني لانو مانحبش نلفت هذا النوع من الاهتمام

3

10