انا كنت سبب فى مشاكل كبيرة بين اصحابي عن طريق انى قولت لكل حد فيهم التاني بيقول عليه ايه من ورا ضهره فهما اتخانقوا وقطعوا مع بعض، انا ساعتها كان عندي اسبابي اللى هي دلوقتي ملهاش ومتنفيش انى غلطت، دلوقتي كلهم بيكرهوني مش بس كده دول كلموا البنت اللى كنت مرتبط بيها وفشخوا صورتي قدامها لدرجة انها كانت بتعيط وبعد ٣ شهور سابتني(هي قالت سبب تاني انها مش مستعدة تبقى فى علاقة بس انا متأكد ان ده السبب عشان هي كانت كويسة قبل الموضوع ده)، دلوقتي انا مش عارف اسامح نفسي ومش عارف اتجاوز انى خسرت الانسانة اللى حبيتها من كل قلبي واصحابي كل ده بسبب غلطة، تقريبا منمتش ولا يوم كويس من ساعة ما هي سابتني ده غير الاحساس بالذنب اللى ملازمني على طول، بالنسبالها انا محاولتش ارجع اكلمها او اقولها مش عشان نسيتها بس عشان مضغطش عليها نفسيا وخصوصا انى متأكد ان القرار ده صعب رغم انى لسه بحبها وعارف انها عارفة انى بحبها فمش حاسس ان فيه حاجة اقدر اعملها، بالنسبالهم انا حاولت اصالح الناس اللى تهمني منهم والموضوع فشل فشخ فخلاص يأست يعني انى اصلح علاقتي بيهم، بس انا دلوقتي محتاج اموف اون من الاكس ومن اصحابي فالموضوع صعب اوي اوي، والمشكلة انى لسه بحبهم كلهم بس انا غلطان

11

5