حاسه اني غلطت اما اتجوزت شخص اهله مش شبه اهلي كنت في الاول فاهمه انه عادي وانا ماليش دعوه باهله بدام هو كويس معايا وكمان ماليش حماه لانها متوفيه الله يرحمها انما للاسف الموضوع طلع سئ جدا اهله طريقتهم سوقيه واخر مره كنت عندهم خالته قالتلي بالنص انتي شرقويه والشرقوه كلهم ولاد وسخه انا اتخضيت طبعا معرفتش ارد حتي جوزي قالي ان هو نفسه اتخض معرفش يرد مش عارفه اتعامل معاهم ازاي بجد تعبت منهم دا موقف واحد اللي حكيته انما قبله في مواقف كتير جدا ودايما مبعرفش ارد متربتش علي كدا وللاسف اما برجع من عندهم بتهانق مع جوزي لاني مبلاقيش غيره اطلع فيه همي هو بيكون متفهم الموضوع بس انا بدات اندم اني وافقت من الاول واحنا من بيئتين مختلفتين اه هو مهندس ومستواه الاجتماعي كويس جدا ومثق ومحترم وخلوق وبيحبني انما اهله خنقوني بجد مش فاهمه يعني ايه طبيعتهم انما كل كلامهم في الفاظ وشتايم انا مقدرش استحمل دا اي حد ينصحني يقولي اعمل ايه واتصرف ازاي معاهم لان بجد نفسيتي تعبت منهم بقالي سنه ونص تعبت من اسلوبهم الوقح دا

7

15