تعبت من الكلية ومعاملة الزملاء السيئة

Question

دخلت كلية تربية وانا مش خليها دراستها طلعت حلوة بس العيال اللي فيها مش عارفه اتأقلم معاهم خالص وكلهم بيعملوني معاملة مش كويسة وانا لازم اروح الجامعه كل يوم عشان الدرجات واترتي على الكلية ويخدوني دكتورة في الجامعة بس بجد نفسيتي تعبت كل يوم برجع معيطة وبحس ربنا استكتر عليا اكون في المكان اللي فيه ناس شبهي وبجد نفسي احول بس مفيش اوبشن تاني كان نفسي ادخل قسم كريديت عشان العدد فيه أقل وناس نضيفة بابا موافقش وقالي ١٠ تلاف كتير اوي ومش هتعرفي تجيبي تقدير انا مش عارفه هي ليه مقفلة معايا كده انا طول عمري كنت بطلع الاولي الا ثانوية عامة اتظلمت ظلم جامد وجبت النص في مواد المفروض اقفلها

Ice Cream_20764 🇪🇬 · Accepted Answer

بصي مهما كان خليكي راضيه بقضاء واختيار ربنا ليكي واعرفي ان دا الخير ليكي يمكن المكان اللي نفسك فيه ميكونش مناسب ليكي حتي لو انتي شايفه العكس ولو من ناحيه العيال وتصرفاتهم وكدا ف هتتأقلمي وهتعرفي ان دا الطبيف كل المدارس او اعتبري نفسك بتعلميهم صدقه وكل اللي بتستحمليه بسببهم ف ميزان حسناتك صدقيني، ربنا يوفقك ويجبر بخاطرك يارب

Mango_33866 🇸🇦 · Answer

دي حاجه كويسه 
الكليه مش بتعلمك الماده العلميه كله بيطلع منها ابيض 
انتي في مكان ممتاز تتعلمي ازاي تتعاملي مع الناس وتختاري اللي يبقا جمبك وتتعلمي تقولي لا من اي حد استخفاف او تريقه من اي حد 
اعتبري دا تحدي ليكي يعلمك امال امشي من مكان عشان ناس فيه مش عاجباني مش بيأكل عيش لان لسه قدامك شغل وقدامك ناس كتيره. هتتعاملي معاهم ومش هينفع تمشي

Coffee_33907 🇪🇬 · Answer

انا مش مصدقه أنه حياتنا طلعت شبه بعض اوي كده بجد ،ربنا معاكي ويوفقك وحاولي تتاقلمي مع أنه صعب انا عارفه وحاسه بيكي بس لازم نتعود لأن كده مش هنتقدم خلاص ولو وقفنا مش هنكمل ولا هتكون مرتاحين حاولي وادعي وادعيلي معاكي 🤍

Ice Cream_31777 🇪🇬 · Answer

اسمعي مني انا اتحطيط في نفس الموقف محدش يعرف يساعدك غير ربنا قربي من ربنا اكتر و اشتكيله و هو أنشأ الله هيحلها

Marshmallow_33883 🇪🇬 · Answer

مهو ده الاختبار ربنا حطك في المكان ده في الوقت ده علشان يشوفك هتستحملي ولا لا صديقني كل حاجه هتمر واكيد مش كل الي في الجامعه بيضايقك اكيد في لو واحد علي الاقل بيحبك ف حاولي تقربي ويستي لو مفيش ف افتكري ان في ربنا والجأي لربنا ربنا هو الي بيحبنا بجد وعايزنا نقرب منه وعلي فكره انا عرفت ان ربنا سبحانه وتعالي بيبعد الناس الي بتقرب منك علشان عاوزك تقربي منه او ربنا عارف ان الناس دي هتلهيكي عن عبادته