معرفش ليه بس انا زمان حصلت عندنا مشاكل في العيله بتاعتي بشكل متتالي وكان وقتها عندي اربع سنين او خمسه، الي حصل اني فقدت اختي الي كانت لسه مولوده وبالصدفه عرفت انها ماتت وبعدها جوز خالتي اتقتل وبعدها جدتي وجدي اتوفوا وكل ده ورا بعض ، ليه كل عيلتي وبنت خالتي الي باباها اتوفى عايشين حياتهم طبيعي وانا لا، ولا انا مش عاطفيه للدرجه انا انسانه منطقيه جدا بس المشكله والي اكتشفته قريب اني عندي الشخصيه الحديه بقالي فتره ومش عارفه اتعالج منها ازاي، ومع اقل مشكله بنهار انهيار عصبي هستيري لدرجه بفكر في افكار انتحارية وحاجات غريبه بلا وعي مني وبعد شويه بفوق بس المشكله اني بفضل أشد شعري واحاول اذي نفسي جسديا أو نفسيا بكلام زي السم عشان أهدى والمشكله محدش حاسس او فاهم وقدام الكل انا البنت الكبيره الي حياتها واقفه ومش عارفه تعمل ايه او الشخص الي بيضحك في كل قاعده أو البنت الكيوت المحبوبه .. انا بكره نفسي وبكره كل الي مش شايفين انا مين ومش عارفه اوقف تمثيل عليهم

4

8