تعبان من الشغل والبيت ومش عارف أوفق بينهم

Question

عندي شركة بقالها سنه ونص فيها مشاكل. وعندي بنت صغيره مقصر في حقها . وعندي حد من العيله قريب مني جدا عيان بقاله فترة ومقصر معاه . مقصر مع عيلتي جدا بسبب الشغل.  
لو ركزت مع عيلتي شوية الشركة هتقفل مفيش مفر وبيوت ناس مفتوحه ومعتمده عليها يمكن دي أكبر مشكلة حاليا بيوت الناس المفتوحة.

مرهق جدا بسبب كمية المشاكل سواء في الشغل أو في البيت ومش عارف اعمل ايه.

اكمل زي ما انا لغاية ما مشاكل الشغل تتحل اديني بحاول ودايما في امل تتحل بس كل الي بيحصل اني بديها نفس شوية تكمل . ولا يتحرق الشغل والوقت الي رايح دا مش هيرجع تاني ومش عارف اعمل ايه

Cherry_40587 🇪🇬 · Accepted Answer

متفهمة وضعك وانك حاسس بتانيب ضمير بسبب تقصيرك مع كذا طرف .. خصوصا لما يجيلك عتاب منهم فهمهم انك هتفضل كدا لمدة معينة (لوتقدر حددها) واوعدهم بوعود انت قدها وحاول خصص ولو ساعة بس للمريض وزوره . والموضوع مش قصة انك مش فاضي القصة انك محتاج تنظم وقتك مش اكتر حاول تنزل تطبيقات بتنظملك وقتك او صمم جدول بنفسك وابدأ بالاهم ثم المهم

Marshmallow_52049 🇪🇬 · Answer

متخسرش عيلتك علي حساب شغلك ومتخسرش شغلك علي حساب عيلتك هات استف اداري كويس يمسك الإدارة و يكون تحت اشرافك في خلال سنه شكرتك هتبقي في زياده و بقي عندك وقت لعلتك  بس بنتك ثم بنتك ثم بنتك علشان ده بياثر علي نفسيتها جدا كل ساعه بنقضيها مع اولادنا نسمعهم و نلعب معاهم ونشجعم بتحميهم سنين من الاكتئاب و بتديهم حب للذات كبير