تعبت من انانيه مراتي ومش عارف اعمل ايه

Olive_68469 🇪🇬

منذ 3 أيام

شعور مكسور القلب

انا انسان متزوج وعندي اولاد ولكني حاولت كتير مع مراتي انها تكون حساسه وتتعامل بحب ولكن للاسف عندها الانانيه عاليه اوي وانا تعبت لأن صعب الإنسان يحاول يعمل اللي عليه ومايلاقيش مقابل كلام حلو او طريقه كويسه ..اعمل ايه

زوجتي باردة معايا فى العلاقة.. مش عارف أعمل إيه؟

انا متجوز من حوالي سنه جواز صالونات وعندى مشكلة مع مراتي أثناء العلاقه بتبقي بارده اوى مبحسش انها عايزاني اوى زى مانا عايزها وانا بحب العلاقه جدا وبحب اعمل اكتر من مرة في اليوم وبحس انها بتعمل ده معايا تقضية واجب مش اكتر واتكلمت معاها كتير ووعدتني انها هتتغير وبرضه مفيش نتيجه مش عارف اعمل ايه معاها بجد ...عرض المزيد

2 الدعم

5 نصيحة

زهقت من جوزي المتعلق بحماتي وحياتنا المملة

مشكلتي أني متجوزة في بيت عيلة وللأسف حماتي صعبة ومش كويسة وللأسف كمان هما ناس دماغهم قديمة اوي وتفكير متخلف وجوزي متعلق بمامته اوي لان أتجوز اخر واحد وقعد معاها فترة وباباه متوفي ومامته مخلياه هو وأخوه معاها طول الوقت وبيأكلوا معايا وسايبني أنا ومرات اخوه لوحدنا ومش بيخرجوا ومن البيت للشغل ومامتهم مخلياهم انطائيين جداا وأنا اتجوزت علي أساس سنتين في البيت ده وبعدين هيأخد بره واخد شقه إيجار وبيدفع إيجارها ومش بيروح لأنه مش عارف يخرج بسبب مامته وأنا كنت بنزل لمامته تحت بس هي كانت اسلوبها زبالة وغضبت فترة ورجعت في شقتي وهو قالي هترجعي وهتبقي في شقتك مش هتنزلي تحت ورجعت وجه رمضان قالي انزلي علشان متبقيش لوحدك ونزلت وكان في برضوا كلام ومشاكل من حماتي وسلفتي تالت يوم العيد طلعت شقتي العيد الي بعد رمضان وكنت بنزل بليل اقعد شويه واطلع وهي مره واحده لاقيتها قلبت فقولتلوا مش هنزل تاني وبطلت انزل هو بقي بيقولي من شهر انزلي يومين عند أمي قولتلوا لا وموافقتش قالي خلاص ملكيش حاجه عندي ولا تطلبي من حاجة خالص ولا هخرجك وانسي موضوع الشقة ده قولتلوا براحتك أنا بقي بقالي ٣ سنين متجوزة وزهقت ودايما أنا وهو مشاكل وحياتنا ممله جدااا ونفسي أعيش مرتاحة وأوقات كتير بفكر أتطلق من الهم الي شيفاه في البيت ده ومعايا ولد ومش عارفه اعمل ايه نفسي أعيش مرتاحة وطول ما أنا في البيت ده مش هرتاح لان مامته شخصيتها قوية اعمل ايه ...عرض المزيد

4 الدعم

6 نصيحة