اكتشفت إن معظم مشاكلنا وهنا تنقسم ل 3 أنواع أساسيه: أول حاجه والأكتر مشاكل حب أو ارتباط. تاني حاجه مشاكل مع الأهل مثلا الأهل بيفرقوا أو سوء تربيه منهم عمل تروما وعقد أو قسوه تالت حاجه مشاكل مع النفس. هتكلم عن أول نوع من المشاكل وده يتحل لما تعرف قيمة نفسك وتحبها وتثق فيها هتقدر تختار اللي يناسبك ومتقبلش باللي أقل منك ع المستوى الشخصي والتفكيري..ولما تحب نفسك هتحميها م الأذى ومش هتقبل عليها الأذى وهتكون حاطت لنفسك حدود قويه كفيله إن مش أي حد يخترقها.. افترضنا وقعت ف حب شخص توكسيك لو عارف/ه قيمة نفسك وحاباها ف ثانيه هتبعدي مش هتكملي وتاني حاجه متندفعوش بمشاعركوا غير لما تتأكدوا إن هو ده الشخص الصح اللي يناسبني. تاني حاجه مشاكل الأهل..مشاكل الأهل ممكن نقول معظمنا مر بيها ومعظمنا عنده تروما من طفولته بسبب مثلا موقف أهله عملوه معاه..يعني ضرب زعيق طول الوقت ع الفاضي والمليان قلة احتواء تفريق بين الأخوات كل دي حاجات غلط ع الأهل ودي حاجات منقدرش نصلحها بس نقدر منربيش جيل جديد ع العقد اللي اتعقدنا ف طفولتنا..نقدر نشوف كل حاجه وجعتنا ف تربية أهالينا ومنعملهاش مع أطفالنا علشان نقدر نطلع جيل سوي نفسيًا معندوش تروما من الطفوله.. تالت حاجه المشكله مع النفس ودي ليها أسباب كتير..فيه ناس مش مسامحه نفسها على أخطاء الماضي وفيه ناس حابسه نفسها ف الماضي وفيه ناس عندها أزمة ثقه وناس عندها تعلق مرضي بالأشياء حواليها حتى لو بتأذيها الموضوع ده الكلام فيه كتير جدًا وأسباب المشاكل مع النفس كتير جدًا بس ممكن أختصرها ف إنها بتتلخص ف 3 حاجات حب نفسك تقبل أخطاءك وعيوبك ثق بنفسك. والأهم الأهم القرب من ربنا علشان هو طريق النجاه الوحيد

14

0