انا فى شخص فى حياتى بس انا كنت ببعده دايما كل ما احس انى بميل ليه لانى رافضه فكره ان يكون فى حد فى حياتى علشان اركز فى حياتى ودراستى اهم بس فى شخص كنت يعتبره صديق بس هو كان بيحبنى وقالى تلات مرات ورفضته لحد ما بقيت بحس انى بحبه فقولت ابعد عنه وقولته انى مش عايزه اتكلم معاه تانى قالى أنه بيحبنى ومش المهم راحتى وسألنى لآخر مره بحبه قولتله اه و وقفنا كلام لفتره بعدها رجعنا نتكلم تانى بقالنا سنه واكتر وكان كويس معايا جدا ومحترم قرار أن دارستى اوله ومش بيعطلنى بأى شكل ودايما كان داعم ليا فى كل حاجه وكان كويس معايا جدا فى وقت لما كنت بعيد عنه اتعرف على واحده لمده قصيره من غير ما اعرف بس جه وقالى من نفسه وقعد يتحايل عليا تسامحه بعد فتره سامحته ورجعنا زى ما قولت فوق بقالنا اكتر من سنه بس هو دلوقتى بقى متغير عن زمان يعنى مثلا من اسبوعين تعبت ودخلت المستشفى وهو اكتفى بس بسؤالى مالك قولتله على تعبى قالى الف سلامه ومن ساعتها مسألش عليا خالص مع انى لما هو كان تعبان فى فتره كنت بسأل عليه كل يوم * مع العلم احنا ممكن مقعد فتره كبيره منتكلمش و دا بناء عن رغبتى * نصيحتكم ليا اي ابعد عنه ولا اعامله بطريقته ولا عادى انا مكبره الموضوع بجد محتاجه رايكم "بس مش حابه أواجه " اسفه على الإطالة

3

0