أنا ليا بنت عم مكناش قريبين من بعض اوي بس اخر فتره ولظروف معينه بقينا ف نفس المكان وبقينا زي التوأم الروحي بالظبط لبعض رغم أنها اصغر مني بكتير جدا لسبب ما كانت مشاكلها بتبقى قدام عيني نسخه من مشاكلي ومعاناتي الفرق اللي كان بيني وبينها اني حرفياً وهي اللي بتقول اني بقيت اقرب منها عن مامتها حتى ، أنا الحضن اللي دايما بتقعد تعيط فيه وانا بسندها وبدمعها والحمدلله كانت بترجعلي مبسوطه وممتنه كل ده مفيهوش مشكله أنا مشكلتي هنا ان أنا بدأت أحس بحاجات مش من الطبيعي اني أحسها تجاهها بحكم انها زي اختي وبتمنالها كل خير الفكره اني بدأت احس بنوع من الغيره بدأت تجيلي افكار انو ليه هي لقت اللي يواسيها ويسندها ويمسح دموعها وانا لا ولما راجعت حياتي ، اكتشفت اني كنت مع الكل كده ، أنا كنت دايما ام واخت وصاحبه للكل ، بسمعهم كلهم أيا كانت مشاكلهم وأيا كان طبعهم وبستحملهم ، ليه؟ فكره اني كنت أتمنى ان يكون حد زيي كده يبقى صاحبي فكره تزعل وتقطم الضهر اوي ، غصب عني غرت وخايفه غيرتي دي تكبر مع الوقت وتأذيها ، مش عاوزه اكون انا السبب في كسرتها الكبيره ، مش عاوزه اكون انا السبب ابدا...

5

0