مشاعر متضاربة تجاه داعية شاب.. إيه الحل؟

Question

طول العشرين سنة اللي عشتهم فضلت قافلة على نفسي ومش عاطية اي مساحة لقلبي للحب والكلام ده بسبب خلفيتي الدينية و غض البصر وغيرها من الحاجات، لكن فجأة ومن غير اي مقدمات لقيت نفسي بفكر في حد وبدعي له و بتمنى ان يكون ليا نصيب معاه، هو انفلونسر وكده داعية من الدعاة الشباب اللي موجودين حاليًا ومش عارفه هل انا كده بهدر مشاعري وتفكيري ولا لو بطلت ادعي هبقى بضيع على نفسي فرصة، مش عارفه اعمل ايه وفي نفس الوقت خايفة حاجة تجد في حياته ويخطب او يتزوج، ايه الحل من وجهة نظركم💔..

French Fries_57270 🇪🇬 · Answer

مفيش حاجه اسمها ابطل دعاء متبطلى ادعى وادعى كتير بس لازم فى دعائك تراعى ان لو فى خير ربنا هيقربه ولو شر هيبعده
يعنى متقوليش يارب انا عايزه فلان
قولى اللهم ان كان لى خيراً به وله خيراً بي فقربنا واجمعنا فى حلالك يا الله
بس كده كان معكم اخوكم بطتاطسايه😁

Strawberry_57310 🇪🇬 · Answer

بفكر اوقات كتير ان ازاي هيلاقيني وسط الناس دي كلها، خصوصا انه شخص معروف يعني اكيد دايرة معارفه واسعة جداا وانا فين وهو فين

Cherry_57266 🇪🇬 · Answer

انتي قصدك علي مين ؟ 
لو اللي في بالي صح 
ف أنا اعرفه شخصيا و هو متجوز

Strawberry_57298 🇪🇬 · Answer

بصي ي قلبي انتي شكلك عسوله و محترمه و محافظه ع نفسك و بتخافي تعصي ربنا بس هقولك رأيي بصراحه انا شايفه انك تركزي اكتر سواء ف دراستك أو شغلك أو غيرهو و لو ربنا كاتبهولك هيجيلك سواء دلوقتي أو بعدين مش هتفرق اهم حاجه انو يكون خير ليكي ي قمر 
من اختك الصغيره فلولايه ♥️

French Fries_57270 🇪🇬 · Answer

مش مهم ربك قادر على كل شئ
كونك بدأتى تشكى يبقى انتى مش واثقه فى قدرة ربنا خلى بالك

Coffee_57010 🇪🇬 · Answer

بس لى انفلونسر وميعرفش عنك حاجه ف تيجي ازاي ، وده مجرد إعجاب أولي مش اكتر ، وفوق ده حاولي متتشديش لأي حد مشهور، هو غالبا مشاعرك مش صح حاليا لأنك لسه متعرفيش الحب الي بجد لاني جربت ده بس كنت في مكانك من سنه بقي اول م دخلت الجامعه بس كذا مره أقنع نفسي إنه مش حب لان فعلا حصل ايه يخليني احب الانسانه دي ، انا بس اعجبت ب صفه فيها موجوده في غيرها كتير. 
فهمتي الفكره

Strawberry_57310 🇪🇬 · Answer

مين اللي تعرفه او تعرفيه؟ لو مش حابب/ة تقول/ي الاسم ممكن تقولي تلميح عنه

Cherry_57266 🇪🇬 · Answer

عامر أو شريف علي

Strawberry_57310 🇪🇬 · Answer

لا لا مش حد فيهم، ده شاب صغير ومش خاطب او متزوج

Strawberry_57310 🇪🇬 · Answer

حبيبة قلبي، حاضر♥️، هدعي بالخير وخلاص انا خايفة اعلق قلبي بحاجة مش ليا

French Fries_57270 🇪🇬 · Answer

انتى خدى بالأسباب وحاولى توصليله عن طريق مثلاً انك تخشي من نفس مدخله الى هو صناعة المحتوى
اقولك فكره حلوه انتى اعملى قناة على التيك توك واعملى ريبوستات غلى فيديوهاته واتكلمى عنها زى الى انتى بتبدأى اعجابك بمحتواه ومره فى مره ممكن توصليله ومتقلقيش التيك توك مبيتوصاش

Strawberry_57310 🇪🇬 · Answer

لا لا اكيد ربنا قادر على كل شيء، الله واسع، هدعي بالخير و أمري كله لله

Cherry_57266 🇪🇬 · Answer

طيب بصي بصراحه انتي لازم تنسي و تكبري مخك عن الموضوع دا 
نصيحه مني

Strawberry_57310 🇪🇬 · Answer

فاهمة، بس الفكرة ان في نااس كتييير جدا متابعاهم وبتسفيد منهم وهو واحد منهم، لكن ان حد يجي في بالك في اوقات مهمة زي السجود ووقت ما بتدعي وتفكرته في الدعاء بشكل خاص، ده غير يوم عرفة ما راحش من بالي، انا فاهمة الفرق بين التعلق والحب والاعجاب، بحس تجاهه بحاجة مميزة مش مشاعر مراهقين او اعجاب بشخصية ولو جه زيها هبطل تفكير، فاهمني!!

Strawberry_57310 🇪🇬 · Answer

خايفة يكون ده باب فتنة وبدل ما يبقى في فرصة افتنه او يفتني، ده غير ان في بنات كتير  بتعمل له فيديوهات وهو بيعمل ريبوست لها، انا كده خوفت تكون واحدة بتحاول تعمل كده😭

French Fries_57270 🇪🇬 · Answer

يبقى فى الحاله دى اسأل شيخ

Coffee_57010 🇪🇬 · Answer

هو انا فاهمك ، بس بالنسبالي أول م بحس بحاجه زي دي تجاه واحده من البنات المنقبه والي بينزلو محتوي ديني دول بعملها حظر لان تفكيري بيكون كام واحد تمناها زيي ، وانتي نفس الكلام هتوصلي لواحد مشهور الشهره دي ازاي .
هو أول م حد يهتم بيكي ويخطبك هتنسي الشخصيه المشهوره دي وانا متأكد من ده .

Coffee_57010 🇪🇬 · Answer

شكلك طيبه اوي ، ربنا يرزقك ب ابن الحلال عن قريب يا اختي .
متعلقيش نفسك ب أمر مستحيل أو قريب من المستحيل ، مش اي حد يستاهل مشاعرك دي .

Strawberry_57298 🇪🇬 · Answer

دي احسن حاجه حاولي متعلقيش نفسك غير بربنا سبحانه وتعالى