انا بحب واحدة زميلتى ف الكلية من فترة بس بدأنا كلام من ١١ يوم انا منكرش أن انا حاسس ان دى عوض ربنا ليا مع أن مفيش مسمى للعلاقة اللى احنا فيها لا احنا صحاب ولا احنا حبايب مش عارف احس بمشاعرها تجاهى هل هل معجبة بيا ولا كل دا علشان مصلحة "انا مسؤول ف الكلية" ولا هى مجرد ارتاحت ليا بس. اللى مخلينى مش عارف اقرر آخد خطوة ولا لأ بالإضافة أن الفترة اللى عرفنا فيها بعض مش كبيرة هى أنها احيانا حرفيا بتحكى لى كل تفاصيل يومها وحياتها ومشاكلها وعلاقتها ب أهلها والناس وقد ايه هى اتخذلت من ناس كتير ف حياتها وأنها مش مناسبة بس انا شايف عكس كدا. ممكن تكون بتقول الكلام دا علشان تحاول تعرفنى أنها مش جاهزة للدخول ف علاقة انا مش عارف. وفى ف اوقات تانية تكون Active ومتردش أو ترد متأخر. انا مبعرفش اعمل كدا مع الناس اللى بحبها. انا بجد محتار مش عارف اعمل اى خايف افضل كدا لحد ما تتخاد منى أو اقول ليها حتى لو بعد فتره بس لو رفضت فى احتمال كبير اخسرها كصديقة. وكمان مش عاوز اعيد سيناريو أول حب ليا.

6

4