طريقة حبه ليا واهتمامه وانا بالنسباله ايه جميله اوي وتخليني اديه عمري وانا مطمئنه ، بنتكلم ونتناقش في كل حاجه زي الصحاب بنتعامل عموما بميكس بين الصحاب والاحباب كل واحد فينا عارف انه موجود علشان يسهل على التاني حياته ويخفف عنه عبء الحياه اللي بنشيله حاجه كده اللي هو لما تقعد مع نفسك تفكر تقول ايوه هو ده اللي انا عايزه بالضبط هو ده اللي كنت بتمناه ومستنيه لكن قررت اني اتخلى عن الحاجه اللي دايما مستنياها وبدعي ربنا يرزقني بيها وتبقى شكل نصيبي في الزواج اللي لقيتها فيه لانه للاسف بدايتنا مش مرضيه لربنا عرفنا بعض واتكلمنا من غير ما اقول لاهلي و لما يبقى جاهز يجي يتقدم مش هينفع حد يعرف اننا كنا نعرف بعض واتكلمنا وبنحب بعض وهضطر اكدب عن الطريقه اللي عرفنا بعض بيها وحتى لو عرفنا نتصرف ومكدبناش لكن البدايه بينا وبين نفسنا وقدام ربنا كانت غلط ورغم اني بحس اوقات انه هو ده اللي عايزاه ، الا اني عارفه ان ممكن ربنا ميباركش لينا في الحاجه الحلوه دي علشان مبدأتش بطريقه ترضيه وانا حقيقي مش مستعده حياتي الزوجيه تبقى وحشه بسبب سوء اختيار مني او سوء تصرف مني دايما بحاول اتقي الله علشان يرزقني نصيب جميل وابقى مبسوطه وقلبي مرتاح زي ما بتمنى مش هقدر اختار حاجه بدأت غلط بدرايه مني واتجاهل ده حاولت كتير ابعد عنه قبل ما قلبي يتعلق ويتمناه لكن الفتره الاخيره ضعفت وبقينا نتكلم وقربنا كتير اوي عن قبل كده بكل قوه قررت ان الموضوع ده منتهي تماماً ومش هستنى يبقى مستعد يتقدملي علشان يجي لان بدايتنا مش صح ومفيش بركه هتبقى ليا فيه ولا بركه ليه فيا مضايقه ان الموضوع انتهى واحلامنا اللي خططنا ليها مش هتكمل وفي نفس الوقت بقول الحمدلله ان ربنا كان ومازال حاطط جوايا احساس عدم استستهال الارتباط الغير رسمي لكن بردو خايفه الغلطه دي تأثر على نصيبي اللي مستنياه بكل امل من ربنا انه يبقى جميل زي ما بتمنى معرفش ليه بحكي بس يمكن كنت عايزه افضفض عن اللي جوايا ومقولتهوش لحد ابدا ولا هقوله

5

1