انا مش هقول بحبه و بموت فيه بس اتمنى ان يكون هو كمان بيحبنى و بيعمل زيي او ان يكون في حد بيحبنى و بيعمل زيي طيب لنا بعمل ايه انا لما بحب بحب بطريقه مختلفه اوى يعنى مش من النوع الى هو يروح يدور ازاى المحله بحبه او ازاى اتكلم معاه تؤ تؤ انا مش كده انا بعمل ايه لما بحب حد ببعد عنه على قد ما اقدر حتى لو كان معايا فالدرس او المدرسه او بشوفه كل يوم تمام عشان احاول انى متعلقش بيه خالص لان بجد بدمر اوى بسبب الحب و التعلق و انا سنى اصلا مش سن حب بس الى بعمله ايه ففترة اعجابى بشخص معين بحاول انى على قد ما بحب الى قدامى بدعيله و بقرئله اذكار الصباح و المساء و بدعيله كل ما يجي على بالى ( اي حد بحبه مش بيروح من بالى ولد او بنت ) و وانا فسجودى بدعيله انه يكون مرتاح و يكون مبسوط فحياته و راضى و بقول انه ربنا ينزع حبى ليه او يزرع حبي فقلبه و دي حاجه طبيعيه اي شخص يتمناها يعنى و ان ربنا يوفقه فحياته و يكون اهله مبسوطين ( انا عارفه اسرته و بالتحديد باباه ) و دايما و انا نازله الدرس بقول دعاء يحفظنى و يحفظه شر الطريق و يرجع سلبم ( الحقيقه بقولها لاي مخلوق بشوفه )بس و ان كان مش من نصيبى فربنا يجعل فيه الخير و يكون نصيبى خير ليا و خير ليه و لكل الى حواليا و تطون الى من نصيبه مريحاه و مريحها ف بس خلاصة الكلام انه احيانا بيجي على بالى اوقات الى هو ممكن حد يحبنى لدرجة انه يدعيلى قبل ما ينام و وانا نازله وبعد ما هو يصحى الى هو بجد ممكن حد يعملى كده غير بابا و ماما انا بتكلم عن ولد اعجب بيا هو انا مش فارقه معايا بس بسال نفسى انا في حد بيفكر زيي ولا لا فكل حاجه بقى متنسوش تدعو للى بتحبوه بعد ما تخلصو قرايه و زيدو النبى كمان صلاة 💗

9

0