دايرة الصحاب القريبة مني مش شبهي اوي بس هم القريبين بسبب الكلية وانا بحبهم والله بس هم مش الناس اللي انا بقدر احكيلهم علي اي حاجة براحتي او اكون نفسي 100% قدامهم لازم ف اوقات معينة كدة احاول اني متصرفش بطبيعتي عشان بالنسبالهم ببقي غريبة جدا ساعات وتو ماتش ف حاجات كتير تو ماتش رغي تو ماتش هزار تو ماتش افكار تو ماتش ضغط وتوتر فاحساس اني دايما تو ماتش دة بيوترني او وبيخليني احس ان المفروض مبقاش كدة وكمان حتة التطوير من النفس سواء ف الشخصية او ف المهارات او الشغل الحاجات دي مش موجودة فيهم نهائي ولما بحكي علي حاجة زي كدة مش هقول بيحبطوني لا بالعكس بيفرحو ييا ويشجعوني جدا بس ف نفس الوقت بحس اني تو ماتش بردو وان مش المفروض اعمل كدة نقطة كمان مهمة جدا وهي الدين لما اكون بعمل اقل القليل بس هم مش بيعملو القليل دة ف انا احس اني بعمل كتير وابقي راضية عند القليل دة وطبعا دة غلط جدا انا في ناس شبهي عارفاهم وعارفة اني اقدر اطلب منهم نتشارك ف الحاجة اللي انا عايزة اتعلمها او اجربها بس هم مش من الدايرة القريبة و انا مش بعرف اخد الفيرست ستيب ف اني اقرب من حد مثلا او ابدأ اتكلم معاه ازيد من العادي عشان مش ببقي عارفة هو عايز كدة بردو ولا لا

1

7